Tags-Subah

rañg barsātī vahī sub.h vahī bhīgtī shaam
vahī ehsās meñ Duube hue saa.e dekhe

ab bhī sub.h hotī hai ab bhī din nikaltā hai
jā chhipī kahāñ lekin raushnī ḳhudā-ma.alūm

ham ahl-e-qafas tanhā bhī nahīñ har roz nasīm-e-sub.h-e-vatan
yādoñ se mo.attar aatī hai ashkoñ se munavvar jaatī hai

yahī malāl mujhe sub.h-o-shām lāhaq hai
mire sabāt se kaise mukar ga.e mire din

ho kisī kā mujh pe ehsāñ ye nahīñ pasand mujh ko
tirī sub.h kī tajallī mirī shaam tak na pahuñche

mirī sub.h-e-ġham balā se kabhī shaam tak na pahuñche
mujhe Dar ye hai burā.ī tire naam tak na pahuñche

but-parastī se na tīnat mirī zinhār phirī
sub.h sau baar ḳharīdī ga.ī sau baar phirī

shaam kuchh achchhā nazar aatā hai bastī kā samāñ
sub.h hotī hai to hālāt digar hote haiñ

pistāñ ko tere dekh ke miT jaa.e phir hubāb
dariyā meñ tā-ba-sīna agar tū nahā.e sub.h

tulū-e-sub.h ke āsār ufuq pe haiñ shāyad
charāġh bujhne lage haiñ itāb-ḳhānoñ ke

nasīm-e-sub.h yuuñ le kar tirā paiġhām aatī hai
parī jaise koī hāthoñ meñ le kar jaam aatī hai

beshtar sub.h-e-shab-e-vasl se ham guzreñge
zor-e-adbār chalegā na ḳhush-iqbāloñ se

kiye mo.ajaze husn ne donoñ yakjā
shab-e-tīra gesū jabīñ sub.h-e-sādiq

maiñ bhī to ek sub.h kā taara huuñ tez-rau
āp-apnī raushnī meñ akele chale hue

yuuñ kisī kī āñkhoñ meñ sub.h tak abhī the ham
jis tarah rahe shabnam phuul ke pyāloñ meñ

ye kaisī āvāz hai jis kī zinda guuñj huuñ maiñ
sub.h-e-azal meñ kis ne 'amjad' mujhe pukārā thā

diye bujhā diye jaate haiñ sub.h tak 'āzim'
mirā havāla diyā us ne naam hone tak

koī is baat ko taslīm kare yā na kare
sub.h kī sair ne mujh ko dil bīmār diyā

baal khule vo shab ko shāyad bistar naaz pe sotā thā
aa.ī nasīm-e-sub.h jo idhar phailā ambar saarā hai

tujh se mil ke bhī terā intizār rahtā hai
sub.h rū-e-ḳhandāñ se shaam zulf-e-barham tak