Tags-Anjam

dekhiye kyā ho jaur kā anjām
vo mire hausle baḌhāne lage

pūchā jo kal anjām-e-taraqqī-e-bashar
yāroñ se kahā pīr-e-muġhāñ ne hañs kar

maiñ ne anjām se pahle na palaT kar dekhā
duur tak saath mire manzil-e-āġhāz ga.ī

sach kahne kā āḳhir ye anjām huā
saarī bastī meñ maiñ hī badnām huā

aap kyuuñ aañsū bahā.eñ mere hāl-e-zār par
ishq kā niklā vahī anjām jo anjām thā

ye mohabbat kā sila thā ishq kā anjām thā
phuul kā hañsnā hī us kī maut kā paiġhām thā

ai ahl-e-vafā ḳhaak bane kaam tumhārā
āġhāz batā detā hai anjām tumhārā

jurm-e-zikr-e-vafā par vo kahne lagā
jā ke anjām-e-ahl-e-vafā dekhiye

log anjām kī dahshat se nikal aa.e haiñ
ab jo kar paa.e to is shahr ko barbād kare

mālūm us kī talḳhi-e-anjām hai magar
'anvar' bilā ḳhulūs na miliye kisī ke saath

āġhāz-e-mohabbat hī kā e.ajāz-e-karam hai
dil ho gayā begāna-e-anjām hamārā

bas yahī soch ke kirdār nibhāte jaao
jaane kis moḌ pe anjām-e-kahānī aa.e

yaksūī-e-dil marġhūb hameñ barbādi-e-dil matlūb tumheñ
is zid kā hai aur anjām hī kyā tum aur kahīñ ham aur kahīñ

sa.ī ke ba.ad na kar kāvish-e-fikr-e-anjām
lā.anat-e-sa.ī hai zahmat-kash-e-hāsil honā

maiñ raftagāñ kī baat pe be-sāḳhta hañsī
anjām us hañsī kā bhī afsurda kar gayā

jaane kyā anjām ho 'nāsir' mirā
ek yār-e-be-ḳhabar hai aur maiñ

yārab āġhāz-e-mohabbat kā ba-ḳhair anjām ho
dil lagā kar ho rahī hai kyā pashemānī mujhe

Darātā hai bahut anjām-e-namrūdī mujhe 'ḳhālid'
ḳhudā lahje meñ jab bande suḳhan āġhāz karte haiñ

jis fasāne kā abhī tak koī anjām nahīñ
us fasāne kā hī āġhāz banāyā hai mujhe