Tags-Shahr

vo aayā shahr kī taraf
ik us kī chaap kī khanak

is qadar sadma hai kyuuñ ek dil-e-vīrāñ par
shahr ke shahr yahāñ ho ga.e vīrāñ baabā

tumhāre ishq kā mujh ko milā hai ye in.aam
tamām-shahr ko apne ḳhilāf maiñ ne kiyā

larzāñ tarsāñ bar-sar-e-mizhgāñ ḳhuun ke aañsū haiñ 'tāriq'
sham-e-farozāñ shahr meñ le kar ḳhūnī manzar dekhā hai

sunā hogā hamārā hādsa bhī
hamāre shahr meñ tum to rahe ho

vo shahr to ḳhvāb ho chukā hai
jis shahr ke ḳhvāb likh rahā huuñ

mujhe shaam aa.ī hai shahr meñ
jahāñ āsmāñ kī vus.atoñ se

ai ahl-e-shahr aao chalo us taraf chalo
kahāniyoñ kī dhund se aage zarā udhar

log ki jin ko thā bahut zom-e-vajūd shahr meñ
phail ke rah ga.e faqat sūrat-e-dūd shahr meñ

ham se jahāñ anek the bad the vahī ki nek the
sach hī to hai ki ek the būd-o-nabūd shahr meñ

tañgī-e-rizq kā gilā jin ko yahāñ sadā rahā!
toḌ ke dekhte zarā apnī hudūd shahr meñ

itne baras ke ba.ad bhī log haiñ ham se ajnabī
jaane huā thā kis ghaḌī apnā varūd shahr meñ

rāh-e-amal pe gher ke ḳhud ko hī laao pher ke
vo to gayā bikher ke rañg-e-jumūd shahr meñ

mujh ko chalo na māntā naam to koī jāntā
maiñ bhī jo yaar chhāntā ḳhāk-e-numūd shahr meñ

mujh se vo kyā bichhaḌ gayā aur bhī maiñ ujaḌ gayā
chhoḌ ke mujh ko baḌh gayā merā vajūd shahr meñ

mujh se zamīn-e-zer-e-pā us ne jo chhīn lī to kyā
ḳham to nahīñ huā mirā ḳhatt-e-umūd shahr meñ

is shahr meñ shaam hote hī galiyoñ ke nukkaḌ par
saḌkoñ ke kināre zinda-dil log

ham akele hī sahī shahr meñ kyā rakhte the
dil meñ jhāñko to ka.ī shahr basā rakhte the

aaj vo shahr-e-ḳhamoshāñ kī tarah haiñ 'ajmal'
kal talak shahr meñ jo dhuum machā rakhte the

ishq ke shahr kī kuchh āb-o-havā aur hī hai
us ke sahrā ko jo dekhā to fazā aur hī hai