Tags-Rahbar

ye hosh-o-aql-o-ḳhirad kī ḳhāmī pe hirs-e-rahbar kī tishna-kāmī
ki jis ko sairāb karte karte huā hai aksar kuaañ bhī aajiz

ham se 'ābid' apne rahbar ko shikāyat ye rahī
aañkh mūñde un ke pīchhe chalne vaale ham nahīñ

bas ek dil hai yahāñ vāqif-e-nasheb-o-farāz
vafā kī raah meñ rahbar kā intizār na kar

koī rafīq na rahbar na koī rāhguzar
uḌā ke laa.ī hai kis shahr meñ havā mujh ko

rahbar badal ga.e kabhī rahzan badal ga.e
aur ham-safar bhī koī purānā nahīñ rahā

gumrāhiyoñ kā lapkā kuchh aisā paḌā ki ham
manzil qarīb aa.ī to rahbar se kaT ga.e

safar kā rañg o ruḳh ab tak vahī hai
munādī thī ki rahbar muḳhtalif hai

siyāsat kī dukānoñ se ḳharīdeñ haiñ na.e chehre
sabhī rahbar baneñ phirte haiñ ik rahzan nahīñ miltā

ham kise karte bhalā rahbar-e-manzil apnā
rāh-e-ulfat meñ na thā koī ba-juz dil apnā

sivā.e ishq nahīñ koī rahbar-e-chālāk
vahāñ ḳhirad ko nahīñ hausla rasā.ī kā

vīrān sī ho chalī haiñ rāheñ
rahbar hai na koī rāhzan hai

ḳhudā ke naam pe kyā kyā fareb dete haiñ
zamāna-sāz ye rahbar bhī maiñ bhī duniyā bhī

bhiiḌ ne yūñhī rahbar maan liyā hai varna
apne alāva kis ko ghar pahuñchāyā ham ne

koī miltā hai jab rāh-e-talab meñ rahbar-e-kāmil
to ham ko dūrī-e-manzil kā bhī kuchh ġham nahīñ hotā

garche maiñ hādī-o-rahbar nahīñ huuñ 'ālam' kā
phir bhī hāthoñ meñ mere ek asā hai to sahī

rahbar nahīñ hai us sā koī do jahān meñ
bahr-e-ravāñ ko kaaT kar rasta nikāl de

mire rahbar haTā chashma tujhe manzar dikhātā huuñ
ye Tolī bhūke bachchoñ kī ġhazab thālī bajātī hai

aap pakistan ke ik rahbar-e-mumtāz haiñ
saiñkaḌoñ rūheñ yahāñ bhī in kī ham-āvāz haiñ