Tags-Raat

din meñ kirneñ āñkh-micholī kheltī haiñ
raat ga.e kuchh jugnū milne jaate haiñ

har ghaḌī halkān rahnā aur na sonā raat bhar
aur jo tanhā.ī dī thī vo bhī hai jā kyā karūñ

huuk uThtī hai mire qalb kī gahrā.ī meñ
us kī yaad aatī hai jab raat kī tanhā.ī meñ

tū merī raat kī tārīkiyoñ ko gāḌhā kar
mire makān kā tanhā charāġh bhī tū ban

vafā kī raat koī ittifāq thī lekin
pukārte haiñ musāfir ko sā.ebāñ kyā kyā

umr ke din to isī aas meñ kaT jaate haiñ
raat Dhal jā.egī aur vaqt-e-sahar aa.egā

raat bhar ḳhuun ke dariyā meñ nahāyā ḳhurshīd
dāman-e-sub.h pe dhabbā bhī dikhā.ī na diyā

phir kisī baat kā ḳhayāl aayā
ik hasīñ raat kā ḳhayāl aayā

ai mire dil ke sulagte hue daġho bhaḌko
hijr kī raat vo jaltā huā ghar dekheñge

rāheñ be-vaj.h munavvar na huiiñ
raat ḳhurshīd jabīnoñ meñ rahe

maiñ shabnam-e-chashm-e-tar se ai sub.h
kal raat bhī tar-ba-tar rahā huuñ

vo ehtiyāt kā aalam pas-e-savāl koī
bachā hai raat ke hamle se baal baal koī

kūcha hai tirā aur hai din-rāt kā chakkar
vahshī ko tire gulshan-o-sahrā se ġharaz kyā

aaj kī raat mujhe niind nahīñ aa.egī
aaj kī raat mujhe ḳhvāboñ se Dar lagtā hai

ajab charāġh huuñ din raat jaltā rahtā huuñ
maiñ thak gayā huuñ havā se kaho bujhā.e mujhe

ye kahnā raat guzartī hai ab bhī āñkhoñ meñ
tumhārī yaad kā qaa.em hai silsila kahnā

āḳhirī shab ke chāñd se karnā bālkanī meñ bāteñ
us ke shahr meñ hotel kī ye raat akelā kamra

merī sisaktī āvāzoñ se gūñjtī haiñ dīvāreñ
suntā hai din raat mare naġhmāt akelā kamra

kal ik nīm-shagufta jism ke qurb se mujh par TuuT paḌī
aadhī raat ko adh-khilī kaliyoñ se jo ḳhush-bū aatī hai

suune gharoñ meñ rahne vaale kundanī chehre kahte haiñ
saarī saarī raat akele-pan kī aag jalātī hai