nikal gulāb kī muTThī se aur ḳhushbū ban
maiñ bhāgtā huuñ tire pīchhe aur tū jugnū ban
tū mere dard kī ḳhāmosh hichkiyoñ meñ aa
tū mere zaḳhm kī tanhā.iyoñ kā aañsū ban
maiñ jhiil bantā huuñ shaffāf pāniyoñ se bharī
tū dauḌ dauḌ thakā be-qarār aahū ban
tū merī raat kī tārīkiyoñ ko gāḌhā kar
mire makān kā tanhā charāġh bhī tū ban
phir us ke baad sabhī vus.ateñ hamārī haiñ
maiñ aañkh bantā huuñ 'jāved' aur tū baazū ban