Tags-Raat

aag ke saath maiñ bahtā huā paanī sunñā
rāt-bhar apne anāsir kī sunānī sunñā

na.e charāġh kī lau paañv se lipaTtī hai
magar vo raat kahāñ rāste se haTtī hai

abhī bahut haiñ andheroñ ko pūjne vaale
yahāñ charāġh bujhāo to raat kaTtī hai

jab ahl-e-chaman so jaate haiñ to husn ke Daakū aate haiñ
kuchh raat ga.e kuchh raat rahe luTtā hai ḳhazāna phūloñ kā

unheñ kā zikr hai din raat un kī bāteñ haiñ
tumhārā dil hai ye merā kabhī nahīñ hogā

jurm hai ḳhvāb dekhnā bhī kyā
rāt-bhar chashm-e-tar se pūchhte haiñ

kyā kahīñ qatl ho gayā sūraj
raat se rāt-bhar se pūchhte haiñ

january kī ye hasīñ raat aur is par ai dast
mere ārāsta kamre kā nikhār

ḳhushbū jaisī raat ne merā
apne jaisā haal kiyā thā

chāñd ko raat kyā chhupā.egī
zulf ruḳh ke liye naqāb nahīñ

koī gardish thī ki sākit the zamīn o ḳhurshīd
gumbad-e-vaqt meñ din raat se pahle kyā thā

maiñ raat banā rahā thā lekin
tārīk nahīñ banā rahā thā

jo din hai ḳhāk-e-bayābāñ jo raat hai jañgal
vo be-panāh mire ghar se hai ziyāda kyā

yaas kī raat meñ har aas ne dam toḌ diyā
jaane kab sub.h ke āsār numāyāñ hoñge

jo raat ḳhvāb meñ us fitnagar ko dekhte haiñ
na pūchh ham jo qayāmat sahar ko dekhte haiñ

jāgte meñ raat mujh ko ḳhvāb dikhlāyā gayā
ban ke shāḳh-e-gul mirī āñkhoñ meñ lahrāyā gayā

raat ik miinā ne chūmā thā lab-e-sāġhar 'shamīm'
baat bas itnī thī jis ko ḳhuub phailāyā gayā

na vo ḳhum meñ baade kā josh hai na vo husn jalva-farosh hai
na kisī ko raat kā hosh hai vo sahar ki shab kā gumāñ nahīñ

vasl kī raat ke sivā koī shaam
saath le kar sahar nahīñ aatī

chalī jaatī hai un ke ghar mirī niiñd
jā ke phir rāt-bhar nahīñ aatī