Tags-Qatil

hazāroñ mufside dar par bapā rahte haiñ ai qātil
tire kūche se lākhoñ fitna-e-mahshar nikalte haiñ

yahī zamīñ hai ki jis ne mujh ko mirā hī qātil banā diyā hai
isī zamīñ par mire lahū kī shahādateñ bhī likhī huī haiñ

chhupātā kyā hai muñh kab tak chhupegā
tujhe sab shahr-e-qātil jāntā hai

mere qātil ne baḌhā dī mire sach kī tauqīr
is sile ke liye mauzūñ thā payambar koī

le gayā saath lagā vo but-e-qātil ghar tak
yā use maar ke raste meñ kahīñ Daal gayā

cīḳho yahāñ iz.hār kā isbāt yahī hai
āvāz kī qātil haiñ ye pur-shor fazā.eñ

galī meñ jis kī shor-e-karbalā hai
salonā shoḳh hai qātil kisī kā

ki apne harf kī tauqīr jāntā thā 'farāz'
isī liye kaf-e-qātil pe sar usī kā rahā

ba-tañg aa.e haiñ zindagī se raheñge ḳhauf-e-fanā meñ kab tak
jo honī ho so shitāb hove khaḌe haiñ qātil ke rū-ba-rū ham

galā teġh-e-qātil se ragḌā kiyā
na jhachkā zarā vaah re manchale

teġh-e-qātil par apnā ḳhuun jam kar
maḳhmal-e-surḳh kā ġhilāf huā

ġhair kī minnat na khīñchūñgā pai-e-taufīr-e-dard
zaḳhm misl-e-ḳhanda-e-qātil hai sar-tā-pā namak

ġhubār-e-dil kisī Dhab se na qātil kā huā sābit
ki saaf us kī havā kī teġh mujh se mere kushtan tak

kuchh aisā iḳhtilāt aapas se uTThā is zamāne meñ
na qātil aa.e hai mujh tak na jaa.e maut dushman tak

ye aarzū hamārī muddat se hai ki jā kar
qātil kī teġh ke ta.iiñ apnā lahū chaTāveñ

har ek kone meñ har kan meñ hai lahū kā surāġh
Tapak rahā hai lahū āstīn-e-qātil se

zindagī chain kī sab ko hī bhalī lagtī hai
kaise hālāt the mere ki jo qātil huā maiñ

ho kis ghamanD meñ ai laḳht laḳht dīda-varo
tumheñ bhī qātil-e-mehnat-kashāñ kahegā lahū

kal kūcha-e-qātil meñ jo thā ḳhalq kā majma.a
khaa.e hue us haath kī talvār hamīñ the