English
Favourite
Favourite
UrduShayarUrduShayar
Expand menu
Sign inAccount

Tags-Poverty

āḳhir koī had bhī tirī ai dūri-e-ġhurbat
māyūs hue jaate haiñ yārān-e-vatan ab
Ghazal
 ai hazrat-e-isa nahin kuchh ja-e-suKHan ab
yārān-e-vatan ko hai ġharīboñ se kināra
ġhurbat kā taqāzā hai karo tark-e-vatan ab
Ghazal
 ai hazrat-e-isa nahin kuchh ja-e-suKHan ab
dasht-e-ġhurbat rañj-e-tanhā.ī hujūm-e-dard-o-yās
in balāoñ meñ tirā āshiq kahāñ maarā gayā
Ghazal
 gham nahin mujhko jo waqt-e-imtihan mara gaya
kisī kā unheñ pās-e-ġhurbat nahīñ hai
parā.ī musībat musībat nahīñ hai
Ghazal
 kisi ka unhen pas-e-ghurbat nahin hai
yāroñ ko haal vādi-e-ġhurbat kā kyā likheñ
mahsūs ho rahā hai ham apne ghar aa.e haiñ
Ghazal
 yun log chaunk chaunk kar ungli uThae hain
dasht-e-ġhurbat meñ huuñ āvāra misāl-e-gard-bād
koī manzil hai na koī naqsh-e-pā rakhtā huuñ maiñ
Ghazal
 apna andaz-e-junun sab se juda rakhta hun main
ek yūsuf ki saath ġhurbat meñ
aise lākhoñ ġhulām rakhte haiñ
Ghazal
 tere dar par maqam rakhte hain
ġharīb-e-shahr kā kyā is ko ġhurbat maar Dālegī
amīr-e-shahr ko daulat kī chāhat maar Dālegī
Ghazal
 musalsal mujh pe ye teri inayat mar Dalegi
'ehsās-jī' ke halqa-e-ġhurbat meñ aa raho
karnī agar ho apne haqīqī vatan kī sair
Ghazal
 tera bhala ho tu jo samajhta hai mujhko ghair
dasht-e-ġhurbat meñ agar saath tumhārā hotā
kyuuñ na sadiyoñ kā safar ham ko gavārā hotā
Ghazal
 dasht-e-ghurbat mein agar sath tumhaara hota
dasht-e-ġhurbat hai alālat bhī hai tanhā.ī bhī
aur un sab pe fuzūñ bādiya-paimā.ī bhī
Ghazal
 dasht-e-ghurbat hai alalat bhi hai tanhai bhi
lamhoñ kī ta.āqub meñ sadiyoñ kī dharohar thī
afsos ke dāman meñ ġhurbat kī ye bastī hai
Ghazal
 attar ke maskan mein ye kaisi udasi hai
ban ke taqdīr rāh-e-ġhurbat meñ
jumbish-e-chashm-e-yār ne maarā
Ghazal
 wada-e-wasl-e-yar ne mara
anjām-e-kār kā nahīñ aatā ḳhayāl kuchh
ġhurbat meñ bhūle baiThe haiñ yār-e-vatan hanūz
Ghazal
 josh-o-KHarosh par hai bahaar-e-chaman hanuz
ġhurbat kī tez aag pe aksar pakā.ī bhuuk
ḳhush-hāliyoñ ke shahr meñ kyā kuchh nahīñ kiyā
Sher
 ghurbat ki tez aag pe aksar pakai bhuk
us ne kar lī hī ḳhud-kushī āḳhir
thā pareshāñ vo apnī ġhurbat se
Ghazal
 waqt majbur apni aadat se
kāñTe haiñ jitne vādī-e-ġhurbat ke ai junūñ
sab āstīñ ke jeb ke dāman ke yaar haiñ
Ghazal
 kuchh Khaar hi nahin mere daman ke yar hain
yuuñ to apnā lag rahā hai jism kā ye ghar mujhe
ruuh lekin kah rahī hai dekh maiñ ġhurbat meñ huuñ
Ghazal
 aab ki tasir mein hun pyas ki shiddat mein hun
tere āvārgān-e-ġhurbat ko
shāmil kārvāñ kare koī
Ghazal
 kyun gham-e-raftagan kare koi
dasht-e-ġhurbat meñ un āñkhoñ kī namī yaad aa.e
tishna-lab jaise koī sahrā se paanī māñge
Ghazal
 subh rangin-o-jawan sham suhani mange
Top Urdushayar.com