Tags-Parwana

gul pe bulbul thā kahīñ sham.a pe parvāna thā
ham ne har rañg meñ dekhā tire dīvāne ko

pur-soz tarannum meñ kyā sham.a ġhazal-ḳhvāñ hai
lau jhūmtī jaatī hai parvāna bhī raqsāñ hai

āshiq banā ke ham ko jalāte haiñ sham.a-rū
parvāna chāhiye unheñ parvāna chāhiye

parvāna-vār go ki jalāyā hai ishq ne
lekin charāġh-e-gor-e-ġharībāñ se duur huuñ

shab jo aayā bazm meñ vo shola-rū
sham.a gul karne ko parvāna chalā

sub.h-dam dekhā to saarā baaġh thā gul kī taraf
sham.a ke tābūt par royā na parvāna koī

is taraf bazm meñ ham the vo the
us taraf sham.a thī parvāna thā

sham.a bhī bujh jā.egī parvāna bhī jal jā.egā
raat ke donoñ musāfir haiñ shajar dekhegā kaun

kuchh soch ke parvāna mahfil meñ jalā hogā
shāyad isī marne meñ jiine kā mazā hogā

par-e-parvāna shāyad bādbān-e-kashtī-e-mai thā
huī majlis kī garmī se ravānī daur-e-sāġhar kī

hai ain vasl meñ bhī pur-ḳharosh-e-parvāna
sukūn-e-qalb ba-āġhosh-e-yār bhī to nahīñ

Thikāne justujū-e-yār meñ kis kis ke chhūTe haiñ
ki bulbul baaġh meñ aur bazm meñ parvāna aatā hai

husn ne tere duniyā meñ kaisī aag lagā dī hai
barq bhī sho.ala barpā hai raqs meñ hai parvāna bhī

chaman meñ haiñ baham parvāna o sham.a o gul o bulbul
ijāzat ho to maiñ bhī hāl-e-dil apnā bayāñ kar luuñ

ġhair kī aag meñ koī bhī na jalnā chāhe
ek parvāna jo ye riit badalnā chāhe

sham o parvāna na mahfil meñ hoñ bāham zinhār
sham.a-rū ne mujhe bheje haiñ ye parvāne do

yaad lāvegā kabhī to mujh kuuñ yaar
sham.a bin parvāna par kam hovegā

badal ga.e zindagī ke mehvar tavāf-e-dair-o-haram kahāñ kā
tumhārī mahfil agar ho baaqī to maiñ bhī parvāna-vār aa.uuñ

vo dil-jalā thā maiñ ki tirī sham-e-husn par
jal kar nisār sūrat-e-parvāna ho gayā

ho raqs zindagī ke jahannam ke ird-gard
parvāna ban ke kis liye jal jaanā chāhiye