Tags-Pani

aa.iyo ai ashk ab bahne lagā hai ḳhūn-e-garam
bhejiyo paanī ki ātish-bār āñkheñ ho ga.iiñ

dhoke dariyā meñ bhabūkā se haath
aag paanī meñ lagāyā na karo

dil jale jab maza hai rone kā
mai hai paanī agar kabāb nahīñ

apne hī aks ko paanī meñ kahāñ tak dekhūñ
hijr kī shaam hai koī to lab-e-jū aa.e

chaloge saath mire āgahī kī sarhad tak
ye rahguzār utartī hai gahre paanī meñ

ajab nahīñ jo ugeñ yaañ daraḳht paanī ke
ki ashk bo.e haiñ shab bhar kisī ne dhartī meñ

tire barasne se paanī hai qalb dushman kā
amal ye nek hai 'tamjīd' baar baar baras

duur thā sāhil bahut dariyā bhī tuġhyānī meñ thā
ik shikasta-nāv sā maiñ tez-rau paanī meñ thā

jinheñ sīñchā thā ḳhūn-e-dil se agle bāġhbānoñ ne
taraste ab haiñ paanī ko vo paude mere gulshan meñ

bhare hue chashm-e-tar meñ aañsū jigar meñ bhaḌkī huī tap-e-ġham
ye aag hai aur ye hai paanī ye aag paanī hai aur ham haiñ

ġharīq-e-bahr-e-sitam na kyuuñ hoñ ye jāñ-fishānī hai aur ham haiñ
ki aap haiñ aap kī chhurī hai chhurī kā paanī hai aur ham haiñ

chhap se girtī hai koī chiiz ruke paanī meñ
duur tak phaTtī huī kaa.ī chalī jaatī hai

aa gayā sailāb bālīñ tak vufūr-e-girya se
rahm kar yā rab ki paanī sar se ūñchā ho gayā

dikhāyā us ne ban-Than kar vo jalva apnī sūrat kā
ki paanī phir gayā ā.īne par dariyā-e-hairat kā

mare jis par na chaar aañsū bahā.e us ne murde par
huā sābit ki paanī bah gayā chashm-e-muravvat kā

dariyā ke madd-o-jazr bhī paanī ke khel haiñ
hastī hī ke karishme haiñ kyā maut kyā hayāt

aate aate aañkh tak dil kā lahū paanī huā
kis qadar arzāñ hai apne ḳhuun kā saudā yahāñ

jo chāhe rahmat-e-haq ijz kar shi.ār apnā
ravāñ udhar ko hai paanī jidhar ko pastī hai