Tags-Aitbaar

rāhat bhī rañj, rañj bhī rāhat ho jab to phir
kyā etibār-e-ḳhvāhish-e-duniyā karūñgā maiñ

tazlīl-e-e'tibār-o-yaqīñ hoñge harf-o-saut
luTtī rahegī daulat-e-īmāñ kahā na thā

ḳhayāl-e-ishq ne rahmat se bhī rakhā mahrūm
ye kyā kiyā ki gunāhoñ pe e.atibār kiyā

uThā.e se na uThā dil kā parda-e-ġhaflat
ḳhatā huī ki un āñkhoñ pe e.atibār kiyā

āñkhoñ meñ jal rahe the diye e'tibār ke
ehsās-e-zulmat-e-shab-e-hijrāñ nahīñ rahā

ḳhud ko aziyyateñ na de mujh ko aziyyateñ na de
ḳhud pe bhī iḳhtiyār rakh mujh pe bhī e'tibār kar

tujhe 'qāsim-alī' ḳhudā kī qasam
kaise zālim pe e'tibār aayā

tumheñ shab-e-va.ada dard-e-sar thā ye sab haiñ be-e'tibār bāteñ
yaqīñ na aa.egā ham ko hargiz banāo go tum hazār bāteñ

abhī husn o ishq meñ fāsle adam-e'timād ke haiñ vahī
unheñ aitabār-e-vafā nahīñ mujhe aitabār-e-jafā nahīñ

bhare bāzār meñ jins-e-vafā be-ābrū hogī
uThegā e'tibār-e-kū-e-jānāñ ham na kahte the

ḳhudā kabhī na dikhā.e vo roz-e-bad 'qaisar'
ki aa.e jalva-e-bātil kā e.atibār mujhe

vo jhuuT bol rahā thā baḌe salīqe se
maiñ e'tibār na kartā to aur kyā kartā

hazār baar aazmā chukā hai magar abhī aazmā rahā hai
abhī zamāne ko aadmī kā nahīñ hai kuchh e'tibār shāyad

jab un ko hausla-e-dil pe e'tibār nahīñ
to phir nazar se nazar kyuuñ milā.ī jaatī hai

jin ko be-e'tibār samjhā hai
kaam ā.eñge ye hī dīvāne

tum e.atibār us ke liye kyuuñ udaas ho
ik shaḳhs jo kabhī bhī tumhārā nahīñ rahā

dost kah kar na de fareb ai dost
dost par e'tibār hotā hai

kāġhaz kī katranoñ ko bhī kahte haiñ log phuul
rañgoñ kā e'tibār hī kyā sūñgh ke bhī dekh

ye umar-e-hijr agar sarf-e-intizār na ho
to vāqa.ī mujhe hastī pe e'tibār na ho

e'tibār us kā hamesha karnā
vo to jhūTī bhī qasam khā.egā