Tags-Naqab

naqāb apnī burā.ī pe Dālnī thī use
vo lā ke ḳhaak mirī nekiyoñ pe Daal gayā

yuuñ bhī koī ruḳh-e-raushan se uThātā hai naqāb
har nazar morid-e-ilzām huī jaatī hai

yahī hai gar bazm-e-mai-gusārāñ to shart-e-sad-ehtiyāt kyuuñ ho
kisī ke hāthoñ meñ jaam chhalke kisī kā band-e-naqāb TuuTe

kahīñ chhāñv hai kahīñ dhuup hai kahīñ aur hī koī ruup hai
ka.ī chehre is meñ chhupe hue ik ajiib sī ye naqāb hai

hijāb o jalve kī kashmakash meñ uThāyā us ne naqāb aadhā
idhar huvaidā sahāb aadhā udhar ayaañ māhtāb aadhā

ḳhudā ke vāste chehre se Tuk naqāb uThā
ye darmiyān se ab parda-e-hijāb uThā

Thahar dil-e-be-qarār dam bhar vo aa.e haiñ be-hijāb ho kar
sambhal ki ye iztirāb-e-nau hī kahīñ na haa.il naqāb kar de

agar kaho to kareñge tavāf tuur kā ham
vagarna ruḳh se ulaT do naqāb ka.abe meñ

dekhtā maiñ use kyūñkar ki naqāb uThte hī
ban ke dīvār khaḌī ho ga.ī hairat merī

naqāb badlo kuchh aise ki mo.ajiza ho jaa.e
hujūm varna bikhartā dikhā.ī detā hai

har añdhere pe hai raushnī kā naqāb
ik havā hai ki jis kī nigāhoñ meñ hai

vahī to vaqt kī be-chehragī hai apnī shanāḳht
ki jis pe ab bhī hazāroñ naqāb baaqī haiñ

parda rahegā kyūñkar ḳhurshīd-e-ḳhāvarī kā
nikle hai vo bhī ab be-naqāb ho kar

haiñ rañg-ba-rañg ke phuul khile zīnat hai chaman ke shabāb un kā
kholā hai nasīm-e-sahar ne abhī kis shaan se band naqāb un kā

sambhal ke baiTh zarā dil ko thaam ai 'shādāñ'
kisī kā husn abhī be-naqāb hotā hai

ishq ko be-naqāb honā thā
aap apnā javāb honā thā

nazar nā aane pe hai ye hālat ki jañg hai shaiḳh-o-barahman meñ
ḳhabar nahīñ kyā se kyā ho duniyā jo ḳhud ko vo be-naqāb kar de

agar vo apne hasīn chehre ko bhuul kar be-naqāb kar de
to zarre ko māhtāb aur māhtāb ko āftāb kar de

ruḳh se apne jo naqāb us ne uThāyā to kyā
parda-e-sharm-o-hayā māne-e-dīdār rahā

tū be-naqāb hai ai mah ye haiñ sharāb ke din
ki māhtāb kī rāteñ haiñ āftāb ke din