Tags-Muskurahat

de ke koī muskurāhaT kā kafan
aarzū ko dil meñ hī dafnā gayā

kisī kī āñkhoñ meñ tāroñ kī muskurāhaT hai
kisī kī āñkhoñ ko shabnam kā kārobār milā

muskurāhaT kī bhī āḳhir asliyat khul hī ga.ī
ġham zamāne se chhupāne kā maza jaatā rahā

ye muskurāhaT kā ek pardā sā gar haTā kar
'kabīr' dekho to sab ke andar haiñ ek jaise

hamāre dostoñ kī muskurāhaT ik chhalāvā hai
hai paaya zahr aksar ḳhūb-sūrat ābgīne meñ

simaT kar kis liye nuqta nahīñ bantī zamīñ kah do
vo kaisī muskurāhaT thī bahan kī muskurāhaT thii, merā bhaa.ī bhī hañstā thā

vo jis ko dekhe to dukh kā lashkar bhī laḌkhaḌā.e shikast khaa.e
laboñ pe apne vo muskurāhaT sajā ke rakhnā kamāl ye hai

mo.ajiza maiñ ne ye dekhā tire lab par aksar
muskurāhaT meñ nihāñ barq-e-tajallā-e-bahār

aañsū merī hañsī uḌāte hai
muskurāhaT pe ro liyā huuñ maiñ

ye jo chehre pe muskurāhaT hai
ik sajāvaT hai ik banāvaT hai

muskurāhaT nahīñ aatī lab-e-sāqī pe 'shamīm'
ġham-e-daurāñ ke liye sub.h-e-najāt aatī hai

tirī taaza muskurāhaT se bhar aa.ī aañkh yaanī
kahīñ ye nishān-e-manzil bhī ġhubār ho na jaa.e

sajā to lī hai tum ne muskurāhaT
kahīñ ye hoñT zaḳhmī ho na jaa.eñ

mujhe yaqīñ hai ki kal ke sūraj kī muskurāhaT
zamīñ ke mahrūm bāsiyoñ ko

ek aisā bhī vaqt hotā hai
muskurāhaT bhī aah hotī hai

vo to nārāz hai mujh se to phir āḳhir us ne
muskurāhaT sī mirī samt uchhālī kyuuñ hai

vo dhun ab kahāñ hai
vo nannhī sī ma.asūm sī muskurāhaT

mire gulshan kā har ik phuul murjhāyā huā sā hai
kabhī kaliyoñ ke lab par muskurāhaT aa hī jā.egī

muskurāhaT pe hairatī kī girah
aur khulne lage ma.ānī kyā