Tags-Kashmakash

tapish se merī vaqf-e-kashmakash har tār-e-bistar hai
mirā sar rañj-e-bālīñ hai mirā tan bār-e-bistar hai

umīd-o-yās meñ ye roz-o-shab kī kashmakash tauba
ba-har-lamha fareb-e-gardish-e-ayyām kyā kahiye

ai ḳhudā kashmakash-e-yās-o-tamannā kab talak
un ke rahne ke liye dil meñ ho har ḳhāna judā

rakhtā hai ḳhud se kaun harīfāna kashmakash
maiñ thā ki raat apne muqābil hī DaT gayā

samjhā na bul-havas kise kahte haiñ intizār
nādāñ asīr-e-kasmakash-e-der-o-zūd thā

vo kitāb-e-sulh kā sar-varaq ki miTā.ī kashmakash-e-firaq
vo qatīl-e-ḳhanjar-e-sabr-o-haq ki vatan pe ḳhud ko miTā diyā

merī māyūsiyoñ se haiñ paidā
kashmakash-hā-e-iztirāb ke rañg

kaun maslūb huā kis pe lagā hai ilzām
kashmakash aisī hai insāf adālat māñge

ye kashmakash huī ki garebāñ mirā udhar
TukḌe huā aur us kā dupaTTa bhī phaT gayā

dil ḳhūñ-shuda-e-kashmakash-e-hasrat-e-dīdār
ā.īna ba-dast-e-but-e-bad-mast hinā hai

is tilism-e-dahr meñ sar bhī uThā sakte nahīñ
kashmakash meñ sair-e-nairañg-e-jahāñ kyuuñ kar kareñ

na hogī ḳhatm phir bhī kashmakash shaiḳh-o-barahman kī
agar ham-rishta-e-tasbīh bhī zunnār ho jaa.e

tañg aa chuke haiñ kashmakash-e-zindagī se ham
Thukrā na deñ jahāñ ko kahīñ be-dilī se ham

ik kashmakash ke ba.ad ta.alluq nahīñ rahā
begāna ho ke ham se vo lekin ḳhafā na thaa!

ye ishq hadd-e-ġham se guzar kar bhī raaz hai
is kashmakash meñ ham sā koī mubtilā na ho

kitnā baḌā azaab hai bātin kī kashmakash
ā.īna sab kā garmī-e-jauhar se kaT gayā

kashmakash vo junūn-o-hosh meñ hai
ban gayā husn bhī tamāshā.ī

agar na kashmakash-e-vahshat-e-junūñ hotī
to chaak jaib-o-garebāñ kiyā na karte ham

zindagī kī kashmakash se dast-kash honā paḌā
naza.a meñ yaad aa ga.ī jab un kī añgḌā.ī mujhe

ahl-e-chaman kī kashmakash-e-rozgār kī
tārīkī-e-hayāt meñ misl-e-qamar huuñ maiñ