Tags-Abad

ai maut tujh pe umr-e-abad kā madār hai
tū e'tibār-e-hasti-e-be-e'tibār hai

darpesh abad tak kā safar hai to badan ko
kyuuñ bār-kash-e-sāya-e-ashjār kiyā hai

tū phail gayā tā-ba-abad mujh se bichhaḌ kar
maiñ jism ke zindāñ meñ tujhe DhūñD rahā thā

kitne lamhoñ ke patañge aa.e aa kar jal-bujhe
meñ charāġh-e-zindagī thā tā-abad jaltā rahā

apnā to abad hai kunj-e-marqad
jab jism supurd-e-ḳhāk ho jaa.e

terī merī aañkh kī miTTī hamesha nam rahe
ho abad se bhī pare ruḳhsat kā pul phailā huā

mileñge ḳhāk-zāde raushnī se
abad ke kahkashānī mausamoñ meñ

mere sarishk-e-ḳhūñ meñ hai rañgīni-e-hayāt
yā rab fazā-e-husn abad tak javāñ rahe

āshob-e-husn kī bhī koī dāstāñ rahe
miTne ko yuuñ miTeñ ki abad tak nishāñ rahe

kab umr-e-ḳhizr ḳhanda-e-gul kā javāb hai
yaañ do ghaḌī meñ umr-e-abad kā samāñ rahā

jo ham meñ mismār ho chukā hai usī se tāmīr hai hamārī
adam ke patthar tarāsh kar hī abad kī mehrāb ham hue haiñ

dil kī jaulāñ-gah-e-vahshat hai abad se mausūm
naam azal hai mire bhūle hue afsāne kā

badal sakegī na fitrat-e-sarkashī ko ye gardish-e-zamāna
azal se jo āsmāñ banā hai abad talak āsmāñ rahegā

merī har taan hai az-roz-e-azal tā-ba-abad
ek sur ke liye mizrāb meñ aayā huā huuñ

kaise ā.īne ke mānind chamaktā huā maiñ
ishq ke shahr-e-abad-tāb meñ aayā huā huuñ

azal siiñ kyuuñ ye abad kī taraf kuuñ dauḌeñ haiñ
vo zulf dil ke talab kī magar barāteñ haiñ

azal se tā-abad hai kār-farmā gardish-e-daurāñ
ki nādānī hazar meñ aur dānā.ī safar meñ hai

phir is ke baad shab hai jis kī had sub.h-e-abad tak hai
muġhannī shaam kā naġhma sunā āhista āhista

manzil kā jis se mil na sake tā-abad surāġh
vo raah iḳhtiyār batāo to kyuuñ kareñ

'āfrīdī' samajh hayāt-e-abad
qatl ko tere gar vo yaar aayā