Tags-Husn

rif.at-e-fikr hai hāsil mujhe ulfat ke tufail
jo na ye ho to kahāñ husn-e-bayāñ rahtā hai

haath aa ga.ī kalīd-e-tilism-e-nigāh kyā
khulne lage haiñ husn ke asrār-e-ishq meñ

yūsuf se le ke tā-gul phir gul se le ke tā-shamma
ye husn kis ko le kar bāzār tak na pahuñchā

maiñ jān-o-dil se tasavvur-e-husn-e-dost kī mastiyoñ ke qurbāñ
jo ik nazar meñ kisī ke be-kaif āñsuoñ ko sharāb kar de

us shaam Dūbne kī tamannā nahīñ rahī
jis shaam tere husn ke dariyā tak aa ga.e

ġhizā-e-rūh hai ai husn tū apnī malāhat se
har ik ke zā.iqe meñ Thiik hai āb-o-namak terā

vo ālamgīr jalva aur husn-e-mustarak terā
ḳhudā jaane in āñkhoñ ko huā kis kis pe shak terā

ishq ko zāviya-e-dīd badalnā hogā
jalva-e-husn nayā zauq-e-nazar māñge hai

sajde maqbūl nahīñ bārgah-e-nāz meñ ab
āstāñ husn kā sajde nahīñ sar māñge hai

ghar meñ jo mujh faqīr ke vo shāh-e-husn aa.e
mizhgāñ ke boriye jo khaḌe haiñ bichhā.ūñ maiñ

lāla-ruḳhoñ ke husn kā bhūkā huuñ is qadar
dil ho na sair laakh agar daaġh khā.ūñ maiñ

phūloñ meñ tirā rañg hai kāñToñ meñ tirī nok
ye husn tirā hai ki mirā husn-e-nazar hai

sābit hai ba-har-taur ġham-e-ishq ram-e-husn
ārām ko pūchho to idhar hai na udhar hai

jā nikaltā hai jo mujh sā tishna-e-dīdār-e-husn
zikr-e-yūsuf karne lagte haiñ kabūtar chaah ke

hashr tak yuuñ hī raheñge ġhamza-o-andāz-o-nāz
ishq-e-ālī-manzilat se husn-e-vālā-jāh ke

dāġh-e-ishq-e-husn kā luqma nivāla hai kaḌā
sair-dil haiñ khāne vaale is ġham-e-jāñ-kāh ke

ai mirī jaan hamesha ho tirī jaan kī ḳhair
nāzukī daur-e-balā, husn ke sāmān kī ḳhair

jitne mahbūb parī-zād haiñ duniyā meñ 'nazīr'
sab ke allāh kare husn kī aur jaan kī ḳhair

husn-e-iḳhlās ke badle meñ junūñ miltā hai
aam hai shāmat-e-kirdār na.ī baat nahīñ

ilm ke the bahut hijāb magar
husn kā sehr pur-fusūñ hī rahā