Tags-Hawa

ye kyā ki apnī bhī pahchān ho ga.ī mushkil
bil-āḳhir apnī nigāhoñ se bhī hijāb huā

utar sakā jo kharā vaqt kī kasauTī par
ma.āl-e-kār vo zarra bhī āftāb huā

dil-o-nazar kī bahāroñ ke ruḳh palaTte hī
'rishī' gulāb kā chehra bhī aab aab huā

aur to kuchh nahīñ yaañ itnā ḳhafā hote ho kyuuñ
kyā huā aap ke nazdīk jo ho baiThe ham

phir ye dekho ki zamāne kī havā hai kaisī
saath mere mire firdaus-e-javāñ tak aao

tumheñ in mausamoñ kī kyā ḳhabar miltī agar ham bhī
ghuTan ke ḳhauf se aab o havā tabdīl kar lete

aa.ine meñ chhupā huā chehra
aisā lagtā hai jāntā hai mujhe

uḌne do parindoñ ko abhī shoḳh havā meñ
phir lauT ke bachpan ke zamāne nahīñ aate

itne ūñche martabe tak tujh ko pahuñchā.egā kaun
maiñ huā munkir to phir terī qasam khā.egā kaun

kabhī yuuñ bhī huā hai hañste hañste toḌ dī ham ne
hameñ ma.alūm thā juḌtī nahīñ TuuTī huī chīzeñ

jab ik nigah se ḳharāsh aa.ī zamāne bhar se gila huā hai
jo dil dukhā hai to ranj saare na jaane kis kis ke sar ga.e haiñ

phuul thā shāḳh kī hathelī par
aur havā meñ bikharne vaalā thā

hādisa ain us jagah pe huā
maiñ jahāñ se guzarne vaalā thā

vaqt-e-sahrā aur tañg huā hai
be-mai sab kirkirā mazā hai

kaun se des se niklā to huā pardesī
DhūñD purza kisī patlūn-e-purānī meñ kahīñ

jab ġham huā chaḌhā liiñ do botaleñ ikaTThī
mullā kī dauḌ masjid 'akbar' kī dauḌ bhaTTī

kis soch meñ haiñ aa.ine ko aap dekh kar
merī taraf to dekhiye sarkār kyā huā

ham-sā.e aap ke maiñ letā huuñ ik havelī
is shahr meñ huā jo chande qayām merā

maiñ ġhash huā kahā juuñ saaqī ne mujh se hañs kar
ye sabz jaam terā aur surḳh jaam merā

abr kā TukḌā koī bālā-e-bām aatā huā
mere ghar bhī sabz mausam kā payām aatā huā