Tags-Hawa

parinde uḌne lage haiñ ġhurūr ke tere
havā meñ kāġhzī par se uḌā nahīñ karte

ye surḳh āñdhiyāñ kyā 'chāñd' kā bigāḌeñgī
buland peḌ havā se girā nahīñ karte

mumkin hai farishtoñ se koī sahv huā ho
maiñ itnā gunāhgār kabhī ho nahīñ saktā

ruḳhsār ke araq kā tire bhaav dekh kar
paanī ke mol nirḳh huā hai gulāb kā

daam meñ se jo chhuTe haiñ unheñ ye hukm huā
ki bas ab gard-e-dar-e-ḳhāna-e-sayyād raho

gar kahūñ matlab tumhārā khul gayā
kahte haiñ achchhā huā kyā khul gayā

kareñ to kis se kareñ nā-rasā.iyoñ kā gila
safar tamām huā ham-safar nahīñ aayā

ai ham-safaro us kā kyā haal huā hogā
manzil ke qarīb aa kar jo shaḳhs luTā hogā

terā ḳhayāl terī tamannā tak aa gayā
maiñ dil ko DhūñDhtā huā duniyā tak aa gayā

'shārib' jamāl-e-dost kā parda to rah gayā
achchhā huā hijāb-e-nazar darmiyāñ rahe

havā ke dosh pe huuñ misl-e-barg-e-āvāra
ab aur kyā kahūñ 'anjum' meñ apnā hāl-e-zabūñ

mudda.ā apnā kisī shaḳhs pe zāhir na huā
koī jaatā hī nahīñ tarz-e-bayāñ se aage

merā ehsās sadiyoñ pe phailā huā
aisā aañsū jo palkeñ badaltā rahā

lete añgḌā.ī haiñ ġham zaḳhm lage haiñ risne
yaad jab bhūlā huā dost purānā aayā

mujh ko āvāz dete rahe roz-o-shab tere lutf-o-karam meñ ye aa paa.ī kab
tū nahīñ jab milā to huā ye ġhazab har tamannā-e-dil dar-ba-dar ho ga.ī

karam ba-nām-e-sitam us pe be-hisāb huā
jo luT gayā rah-e-ulfat meñ kāmyāb huā

nazar nazar ne pinhāyā libās-e-tār-e-nazar
pas-e-naqāb huā jo bhī be-naqāb huā

vo sarfarāz huā kārobār-e-ulfat meñ
barā-e-mashq-e-jafā jis kā intiḳhāb huā

na zindagī ne qubūlā na maut ne pūchhā
ḳharāb-hāl zamāna bahut ḳharāb huā

utar ga.e jo kisī kī hañsī ke sadqe meñ
un āñsuoñ kā huā to kahāñ hisāb huā