Tags-Hawa

dil ke bāzār meñ halchal sī machā dī us ne
mujh ko bhī dhokā huā yusuf-e-lā-sānī kā

kisī kī yaad meñ akasr yahī huā mahsūs
falak zamīn pe utrā mah-e-tamām liye

ulfat na karūñgā ab kisī kī
dushman huā jis se dostī kī

dīvāna huā huuñ ik parī kā
taqsīr ye hai to vāqa.ī kī

āñkheñ laḌīñ tujh se maiñ huā qatl
in turkoñ ne jañg-e-zargarī kī

achchhā huā 'jalīl' se tum saaf ho ga.e
aġhyār ne to Daal diyā thā burā bigāḌ

dīvār-e-havā pe likh gayā vo
yuuñ naqsh-e-davām ho gayā maiñ

uḌtā huā aks dekhte hī
phailā huā daam ho gayā maiñ

dil le gayā hai mujh kuuñ de ummīd-e-dil-dahī
zālim kabhī to lā.egā merā liyā huā

nahīñ hai TuuTe kī buuTī jahān meñ paidā
shikasta jab huā tār-e-nafas nahīñ chaltā

jab qatl huā maiñ taḌpā bhī chhīñTeñ bhī uḌā.īñ maan liyā
ilzām ḳhud us par kyā ye nahīñ dāman ko na kyuuñ gardān liyā

lafzoñ ke but TuuT chuke haiñ
korā kāġhaz paḌā huā hai

ye ilāhī kaisā ġhazab huā vo samā.e mujh meñ to kyā hue
mirā dil bane to taḌap ga.e mirā sar bane to judā hue

haiñ ajiib murġh-e-shikasta-par na chaman meñ ghar na qafas meñ ghar
jo gire to saaya haiñ ḳhaak par jo uThe to mauj-e-havā hue

jo tasavvur un kā judā huā dil be-ḳhabar ne ye dī sadā
abhī ham-baġhal the kidhar ga.e abhī god meñ the vo kyā hue

hameñ shauq ye ki ho ek taur use zauq ye ki ho shakl aur
bane aag to bujhe aab meñ mile ḳhaak meñ to havā hue

ga.e sar se jabki vo tā-kamar to alif idhar kā huā udhar
tirā joḌā khulte hī baal sab pas-e-pusht aa ke balā hue

kuchh nigāhoñ se ġham-e-dil kī ḳhabar miltī hai
varna ham vo haiñ ki bātoñ se havā bhī na mile