lafzoñ ke but TuuT chuke haiñ
korā kāġhaz paḌā huā hai
gidh ne kab zindoñ ko nochā
sher ne kab murdoñ ko chhuā hai
apnī apnī biin sambhālo
sunā hai shahr meñ naag aayā hai
gūñge bol rahe haiñ patthar
sannāTā reza reza hai
ghar kā kuaañ bhī be-masraf sā
sāgar meñ tezāb bharā hai
sauñp ga.ī hai ḳhud ko mujhe vo
harā bharā din āvāra hai
naddī meñ jī bhar ke nahā.eñ
kuaañ badan se bhar jaatā hai