Tags-Hawa

umiid khil sī ga.ī hai mahak uThā hai ḳhayāl
sabā kī narm sī dastak pe dil ko kyā huā hai

mahak rahā hai mire ḳhaar ḳhaar jīvan meñ
vo lamha jo abhī mujh meñ gulāb sā huā hai

sukūt se bhī suḳhan ko nikāl laatā huā
ye maiñ huuñ lauh-e-shikasta se lafz uThātā huā

makāñ kī tañgī o tārīkī besh-tar thī so maiñ
diye jalātā huā ā.īne banātā huā

tire ġhayāb ko maujūd meñ badalte hue
kabhī maiñ ḳhud ko tire naam se bulātā huā

charāġh jalte hī ik shahr munkashif ham par
aur us ke baad vahī shahr Duub jaatā huā

bas ek ḳhvāb ki us qarya-e-badan se hunūz
navāh-e-dil talak ik rāsta sā aatā huā

jāñ-dādgān-e-aish kā anjām kyā huā
āvārgān-e-kūcha-e-vahshat se pūchhiye

allāh dil na tum ko taḌaptā huā dikhā.e
dekhā na jā.egā ye tamāshā hī aur hai

parvarish jis meñ gul-e-tāza kī hotī hai 'niyāz'
pyaar kā phuul vahī āb-o-havā māñge hai

ye but hirs-o-havā ke dil ke jab ka.aba meñ toḌūñgā
tumhārī sub.ha meñ kab shaiḳh-jī zunnār chhoḌūñgā

phir huā yuuñ ki par hī TuuT ga.e
bas kahāñ thā uḌaan par merā

apnā ye muñh to na thā aap talak ham pahuñcheñ
aap kā jab ki huā ham pe tafazzul pahuñche

mahāz khol diyā hai to gahrī niiñd na so
havā ke bhes meñ haiñ sansanāhaTeñ pahchān

rone ke bhī ādāb huā karte haiñ 'fānī'
ye us kī galī hai terā ġham-ḳhāna nahīñ hai

abrū-e-pur-chīñ kuuñ tere dekh dil hairāñ huā
kyā magar shamshīr-e-jauhar-dār kuuñ dekhā na thā

ai sāTan ke niile pardo tum par ye kis kā saaya hai
kyā mujh ko kuchh vahm huā hai yā sach-much koī aayā thā

chhue baġhair charāġhoñ ko vo guzar jaa.e
havā se koī bhī aisā mutālba na kare

ḳhabar ye hai ki udhar chal rahī hai garm havā
koī parinda bhī hijrat kā faisla na kare

māhaul huā naġhma-navā eid-mubārak