Tags-Hawa

maut aur ziist ke sañgam pe pareshāñ kyuuñ ho
us kā baḳhshā huā sah-rañg-e-alam le ke chalo

ab bhī hai rañj, rañj bhī ḳhāsā shadīd hai
vo dil ko chīrtā huā ġham go nahīñ rahā

dil kisī aur jā aḌā huā hai
ruuh kisī aur meñ phañsī huī hai

hujūm-e-nūr meñ khoyā huā hai merā vajūd
sivā-e-rūh vahāñ kyā huuñ maiñ jahāñ tum ho

kyā nāzukī badan kī us rashk-e-gul ke kahiye
mass-e-havā se jis ko hotā hai qash.arīrā

yuuñ havā lahroñ pe kuchh tahrīr kartī hai magar
jhuum kar bahtā hai dariyā kā yahī andāz hai

yaad phir bhūlī huī ek kahānī aa.ī
dil huā ḳhuun tabī.at meñ ravānī aa.ī

tahayyur-ḳhez thī us kī fasāhat
vo jab bhī chup huā mimbar meñ jā kar

ye chalī hai kaisī havā ki ab nahīñ khilte phuul milāp ke
kabhī daur-e-fasl-e-bahār thā tumheñ yaad ho ki na yaad ho

jo qissa thā ḳhud se chhupāyā huā
vo thā shahr bhar ko sunāyā huā

muḳhālif se sulh-o-safā.ī jo kī
ka.ī dostoñ kā safāyā huā

jo mahfil meñ pahchāntā tak na thā
tasavvur meñ baiThā hai aayā huā

har ik zaḳhm jā.egā mere hī saath
namak sab ne hai merā khāyā huā

nazar aa rahā hai jo vo āsmāñ
ye hai mere rab kā banāyā huā

ghaT gayā yaañ ḳhuun aur vaañ fasd kā sāmāñ huā
aa gayā ġhash mujh ko jab bāñdhā gayā bāzū-e-dost

hamārī chaah meñ roī hai zindagī itnā
ki paanī paanī huā jā rahā hai sam kā jigar

hamārī ḳhaak kī miTTī hai kyā ḳharāb ai charḳh
kabhī idhar ko udhar kī havā nahīñ aatī

bujhte hue charāġh ko hāthoñ meñ le liyā
is baar baazī jiit lī maiñ ne havā ke saath

junūñ kār-farmā huā chāhtā hai
qadam dasht paimā huā chāhtā hai

dam-e-girya kis kā tasavvur hai dil meñ
ki ashk ashk dariyā huā chāhtā hai