Tags-Hawa

mufāhamat se jo had paar ho to ho jaa.e
bañdhā huā rag-e-jāñ se zamīr khīñchtā huuñ

irāde bhāñp tire jā dhaḌaktā hai dar par
paḌā huā pas-e-zindāñ asiir khīñchtā huuñ

tum ki har dil meñ tumhārā ghar huā
ham ki apne ghar meñ be-ghar ho ga.e

dhueñ kī oT se bāhar bhī aa gayā hotā
hamāre saath agar rishta-e-havā hotā

purvā.iyoñ se laḌtī haiñ pachchhim kī āñdhiyāñ
sulh-pasand āb-o-havā kis ke paas hai

hai tez havā hiltā hai qafas ḳhatre meñ paḌī hai har tiilī
fariyād-e-asīrī band karo ab jumbish-e-par kī baat karo

na koī naam o nasab hai na goshvāra mirā
bas apnī āb-o-havā hī pe hai guzāra mirā

maiñ ham-kanār huā ek lahar se aur phir
kināre hī meñ kahīñ gum huā kināra mirā

kahīñ rāñjhā, kahīñ majnūñ huā
vajūd-e-ishq ālamgīr hai

achchhā huā ki ham ko maraz lā-davā milā
achchhā nahīñ huā ki ham achchhe nahīñ hue

aam ke phūloñ ko ḳhud hī jhaaḌ de aur is ke ba.ad
be-samar shāḳhoñ se āvāra havā hujjat kare

aas TuuTī dil kī yā koī nayā vaada huā
ai shab-e-ġham kyā huā kyuuñ mere aañsū tham ga.e

hirs-o-havā kī is duniyā se bach ke raho to achchhā hai
behtar hai shīrāz kī dāvat se bas rūkhī roTī saag

dil meñ khiltā huā ik āḳhirī ḳhvāhish kā ye phuul
jaate jaate ise ḳhud maiñ ne masal jaanā hai

chaltī ruktī huī ye husn bhī hai ek havā
mausam-e-ishq bhī ik roz badal jaanā hai

maiñ bhī kuchh der se baiThā huuñ nishāne pe 'zafar'
aur vo kheñchā huā tiir bhī chal jaanā hai

taskīn' kā chaak chaak huā dil jo shāne ko
dekhā kisī kā turra-e-tarrār khīñchte

badan malbūs meñ sho.ala sā ik larzāñ qarīn-e-jāñ
dil-e-ḳhāshāk bhī sho.ala huā jaltā rahā maiñ bhī

havā bharī huī phirtī thī ab ke sāhil par
kuchh aisā hausla kashtī ke bādbān meñ thā

havā ke dukh kī chādar oḌh lī hai
bichhā kar āñsuoñ ko so rahī huuñ