Tags-Hawa

raushan jamāl-e-yār se hai anjuman tamām
dahkā huā hai ātish-e-gul se chaman tamām

ye gul khil rahā hai vo murjhā rahā hai
asar do tarah ke havā ek hī hai

maiñ aaj zad pe agar huuñ to ḳhush-gumān na ho
charāġh sab ke bujheñge havā kisī kī nahīñ

TūTne paa.e na ye silsila-e-gardish-e-dard
dast-dar-dast chhalaktā huā paimāna chale

kisī ne mujh se kah diyā thā zindagī pe ġhaur kar
maiñ shāḳh par khilā huā gulāb dekhtā rahā

kis kī aamad se bahārāñ huā maskan maskan
aaj gul khilte rahe chaar sū gulshan gulshan

bach kar hī chale ham to zamāne kī ravish se
āzād-ravī kā hameñ ehsās huā bhī

use pahchānñā āsāñ nahīñ jo
havā kā rañg paanī kā maza hai

baiThā huā sikka hai mirī fikr-e-suḳhan kā
ai 'shauq' na hoñ kyuuñ mire ash.ār registered

pattoñ ke qahqahoñ meñ sadā-e-bukā na DhūñD
jañgal meñ rah ke shahr kī āb-o-havā na maañg

banā huā hai mirā shahr qatl-gāh koī
palaT ke maaoñ ke laḳht-e-jigar nahīñ aate

kyā huā jo sitāre chamakte nahīñ daaġh dil ke farozāñ karo dosto
sub.h-e-ishrat pareshāñ huī so huī shām-e-ġham to na vīrāñ karo dosto

kyā sham.a ke nahīñ haiñ havā-ḳhvāh bazm meñ
ho ġham hī jāñ-gudāz to ġham-ḳhvār kyā kareñ

havā hai tez magar apnā dil na mailā kar
maiñ is havā meñ tujhe duur tak sadā dūñgā

justujū nañg-e-ārzū niklī
dard rusvā huā davā ke liye

phone jab ḳhatm huā
vaqt dinoñ hī gale milte the

haañ kabhī mujh par bhī ho jaatā hai mausam kā asar
haañ kisī din shākī-e-āb-o-havā rahtā huuñ maiñ

rañgoñ kī bārishoñ se dhundlā gayā hai manzar
aayā huā hai koī tūfān aa.ine meñ

na huā dard sar-e-nāz kā sandal tujhe haa.e
ghus gayā māthā tire paañv pe dharte dharte

rivāyatoñ se gurez kaisā chalo jagā.eñ
nasīb soyā huā hai apnā isī khañDar meñ