Tags-Hawa

maiñ apne-āp se ġhāfil na yuuñ huā hotā
mire bhī paas agar koī aa.ina hotā

mire qalam se Tapaktā huā lahū 'rizvī'
kisī kī aañkh kā kājal hī ban gayā hotā

ham ko pāgal kah rahā hai ye jahāñ
is ko lagtā hai huā kuchh bhī nahīñ

dil kabhī laakh ḳhushāmad pe bhī raazī na huā
kabhī ik jhūTe hī va.ade pe bahalte dekhā

bhaḌke hue sho.ale hī matā-e-dil-o-jāñ haiñ
'ālam' tire kūche meñ havā tez bahut hai

ik musāfir huuñ
baḌī duur se chaltā huā aayā huuñ yahāñ

itnā be-naf.a nahīñ us se bichhaḌnā merā
anjuman-sāz huā hai dil-e-tanhā merā

hai dil meñ josh-e-hasrat rukte nahīñ haiñ aañsū
ristī huī surāhī TuuTā huā subū huuñ

jab ki be-parda tū huā hogā
maah parde se tak rahā hogā

saare aqīde habs ke ma.abad haiñ jin meñ
kabhī havā kā jhoñkā tak bhī aayā na

vo so.e ho ke be-parda yahāñ kis kis tamannā se
magar sadqe havā ke raat bhar ro.e daraḳhshāñ par

baḌe ġhazab kā gulistāñ meñ jashn-e-eid huā
kahīñ to bijliyāñ kauñdīñ kahīñ chīnār jale

kaun ġharqāb huā hai ki uḌātā huā ḳhaak
aaj be-tāb bagūlā lab-e-sāhil se uThā

ham-safar hai koī uftād to pesh aane ko
ki qadam aaj ulajhtā huā manzil se uThā

maiñ jis irāde se jā rahī huuñ usī irāde se laḌ paḌuñgī
mire sipāhī ko kuchh huā to maiñ shāhzāde se laḌ paḌuñgī

havā kī taan par gaate haiñ mujh ko ḳhushk patte
maiñ har TuuTe hue dil kā tarāna ho gayā huuñ

phir rahī haiñ āñkhoñ meñ tere shahr kī galiyāñ
Dūbtā huā sūraj phailte hue saa.e

mauhūm huā jaatā hai ab maqsad-e-hastī
bātil ko haqīqat pe zabar dekh rahā huuñ

paanī par tasvīr banā.ī jā saktī hai
us kā naam havā par likkhā jā saktā hai

charāġho kis se itnā Dar rahe ho
havā ke daañt to TuuTe hue haiñ