Tags-Hawa

huuñ havā-ḳhvāh maiñ ai gul tirā jiyūñ mauj-e-nasīm
ġhuncha-sāñ kab hai girah kā tire nuqsāñ mujh se

sar par ab ḳhaak uḌātā huā phirtā huuñ 'ishq'
saaf dekhā to na thī ḳhātir-e-yārāñ mujh se

shab faroġh-e-bazm kā baa.is huā thā husn-e-dost
sham.a kā jalva ġhubār-e-dīda-e-parvāna thā

bagūla ban ke nāchtā huā ye tan guzar gayā
havā meñ der tak uḌā ġhubār aur bikhar gayā

chuur huā par jhuuT na bolā
darpan mujh sā aḌiyal niklā

na thī zamīn meñ vus.at mirī nazar jaisī
badan thakā bhī nahīñ aur safar tamām huā

dil āshnā.ī ko chāhe kisī kī ḳhaak mirā
ki āshnā jo huā thā vo āshnā na rahā

jo dekhe kaalā to khā mare sam ye us ke mukhḌe pe 'aish' jis dam
havā se hotī hai zulf kī laT kabhī idhar ko kabhī udhar ko

ek us ke dam se har mausam huā rashk-e-bahār
ek shāḳh-e-ārzū ko be-samar us ne kiyā

mohtasib sach sach batā ḳhalvat meñ kyā saudā huā
mudda.ī insāf se mahrūm kaise ho gayā

na harīfāna mire sāmne aa maiñ kyā huuñ
terā hī jhoñkā huuñ ai tez havā maiñ kyā huuñ

ehsās ke sharar ko huā dene ā.ūñgā
maiñ shahr-e-jāñ ko raakh banā dene ā.ūñgā

ḳhafā hai karam-farmā hai kaun jaane
havā jab diye ko bujhātī nahīñ hai

ain-mumkin hai paidā yahīñ vo huā ho
javāñ ho gayā to kisī dūsre des meñ jā basā

dil havā bū-e-gul sā sahrā.ī
jab vo panje se ġhunche ke chhūTā

roz-o-shab kī shāḳh se bichhḌā huā pattā huuñ maiñ
vaqt bhī ab DhūñDhtā hai jis ko vo lamha huuñ maiñ

dil ke shīshe TuuT jaate haiñ mirī āvāz se
ik shikasta saaz se ubhrā huā naġhma huuñ maiñ

zindagī ke shor meñ simTe rahe zarre mire
ik zarā tanhā huā to kis tarah bikhrā huuñ maiñ

bahut achchhā huā aañsū na nikle merī āñkhoñ se
bapā mahfil meñ ik taaza qayāmat aur ho jaatī

havā ke sāyoñ meñ hijr aur hijratoñ ke vo ḳhvāb
maiñ apne dil meñ vo sab manzileñ sajā rakhtā