Tags-Hawa

badan kā bojh uThānā bhī ab muhāl huā
jo ḳhud se haar ke baiThe to phir ye haal huā

phuul huuñ ḳhaak to nahīñ huuñ maiñ
raas kab aa.egī havā mujh ko

chhapā huā nahīñ tujh se dil-e-tabāh kā haal
ye kam nahīñ ki tire rañj ko bachā rakkhā

jo nā-gahāñ kabhī izn-e-safar huā 'irfān'
to fikr kaisī ki sāmān hai bañdhā rakkhā

pāgal hai patā pūchh rahā hai mire ghar kā
kyā ḳhāna-ba-doshoñ kā huā kartā hai ghar bhī

kisī ke rū-ba-rū maiñ sar-nigūñ huā hī nahīñ
mirī anā ne salāmat rakhī kulāh mirī

husn-e-azal kā jalva hamārī nazar meñ hai
jo tuur par huā thā dil-e-dīda-var meñ hai

DhūñDā hai jis ne us ne hī paayā sunā nahīñ
likkhā huā ye hukm qazā-o-qadar meñ hai

ye asar ham par huā is daur kā
bhāvnā dil kī mavālī ho ga.ī

tumhārī yādoñ ke phuul aise sahar ko āvāz de rahe haiñ
ki jaise ThanDī havā kā jhoñkā mirī galī se guzar rahā hai

kuchh log jo savār haiñ kāġhaz kī naav par
tohmat tarāshte haiñ havā ke dabāv par

maut kī āñdhī chalegī aur phir mere charāġh
dekhte hī dekhte nazr-e-havā ho jā.eñge

rahā kartā huuñ kuchh khoyā huā sā
ḳhudā jaane mujhe kyā justujū hai

huā huuñ maiñ fanā-fil-ishq 'bismil'
na ab dil hai na dil kī aarzū hai

vo na aa.e na sahī maut to aa.egī 'hafīz'
sabr kar sabr tirā kaam huā rakkhā hai

us din pahlī baar huā thā mujh ko rifāqat kā ehsās
jab us ke malbūs kī ḳhushbū ghar pahuñchāne aa.ī hai

pattī pattī jhuum rahī thī
mast havā thī

bāra-darī meñ chāñd sar-e-shām ho gayā
rah-dāriyoñ ke parde uḌātī rahī havā

ye un kī ināyat se mirā haal huā hai
kuchh vaar atā karte haiñ in.aam se pahle

ab na vo rañg-e-jabīñ hai na bahār-e-āriz
lāla-rūyoñ kā ajab haal huā mere baad