Tags-Hawa

apne hī ghar ke sāmne huuñ but banā huā
parde haTe hue haiñ darīcha khulā huā

yuuñ hī idhar udhar kī sunāte raho mujhe
mausam bahut udaas hai dil hai dukhā huā

āvāz de ke pūchh lo kyā ho gayā use
vo shaḳhs jā rahā hai bahut sochtā huā

kyuuñ dekhtā hai ajnabī nazroñ se vo mujhe
maiñ baiThe baiThe jaise koī dūsrā huā

harf-e-duā hai paas na lab par shikāyateñ
jo kuchh huā yahāñ pe vo yārab burā huā

mafhūm jaan lene se qāsir nahīñ haiñ ham
to kyā huā ki aap ne fiqra badal diyā

taar dāman ke uḌe ishq ko me.arāj milī
zeb-e-gulshan huā gul chāk-garebāñ ho kar

havā ke dasht meñ tanhā.ī kā guzar hī nahīñ
mire rafīq haiñ mutrib ga.e zamānoñ ke

hamāre daaġh ko jab āftāb ne dekhā
huā ye zard nazar aa.e za.afrānī dhuup

hameñ to fasl-e-zamistāñ bahut ḳhush aatī hai
vo ThanDī ThanDī havā aur vo suhānī dhuup

zarā sī garm havā meñ ye muñh banātī haiñ
na kar sakegī guloñ kī mizāj-dānī dhuup

dil kā dar kab band huā hai koī aa.e koī jaa.e
jo aa.e aur kabhī na jaa.e vo mehmān bulāo kyuuñ

pyaar kī shiddat dil kī hiddat 'bāqar' us ko raas nahīñ
garm havā ke jhoñkoñ se us phuul ko tum kumhlāo kyuuñ

dil yuuñ kaTā huā hai kisī kī judā.ī meñ
jaise kisī zamīn se dariyā guzar gayā

azal se jo kashish-e-markazī ke the pāband
havā kī tarah vo kyā sair chār-sū karte

sīkhiye uqda-kushā.ī kī adā.eñ 'jumbish'
na huā kuchh bhī ye taqdīr kā shikva karnā

havā ye vajd meñ aa kar diye se kahne lagī
ki ab tū sah nahīñ pā.egā vaar sāñsoñ kā

mālūm huā ab mirī qismat meñ nahīñ tum
milnā thā mujhe kātib-e-taqdīr se pahle

achchhā huā āḳhir mirī qismat meñ sitam the
tum mil ga.e mujh ko falak-e-pīr se pahle

aap ḳhudā hone kī koshish meñ haiñ par
sirf āshnā bhī to huā jā saktā hai