Tags-Hawa

kashtiyoñ vaale be-ḳhabar baḌhte rahe bhañvar kī samt
aur maiñ chīḳhtā rahā tez havā ke shor meñ

merī zabān-e-ātishīñ lau thī mire charāġh kī
merā charāġh chup na thā tez havā ke shor meñ

jaise ḳharosh-e-bahr meñ shor-e-parind Duub jaa.e
Duub ga.ī mirī sadā tez havā ke shor meñ

nauhagarān-e-shām-e-ġham tum ne sunā nahīñ magar
kaisā ajiib dard thā tez havā ke shor meñ

mere makāñ kī chhat pe the tā.er-e-shab Dare Dare
jaise payām-e-marg thā tez havā ke shor meñ

minnat-e-gosh-e-be-hisāñ kaun uThā.e ab 'salīm'
nauha-e-ġham milā diyā tez havā ke shor meñ

kuchh aisī suhūlat se makīñ dil meñ huā vo
mujh ko bhī mirī zaat se jaanā nahīñ paḌtā

mirī numūd se paidā hai rañg-e-nākāmī
pisā huā huuñ kisī ke hinā lagāne kā

ridā-e-rañg se chhantā huā badan terā
ye chāñdnī ki tamāzat hai tere paikar kī

savād-e-shām se Dartā huā nazar aayā
faroġh-e-mehr bhī martā huā nazar aayā

nasīm-e-sub.h chalī aur fishār-e-rañg-o-bū
kahīñ qarār na kartā huā nazar aayā

zamīñ pe raakh uḌī jab bhī ḳhema-gāhoñ kī
ufuq pe ḳhuun bikhartā huā nazar aayā

har ek phuul dikhā.ī diyā kamān-ba-dast
har ek ḳhaar nikhartā huā nazar aayā

na niiñd aa.ī na koī sitāra-e-kam-ḳhvāb
bulandiyoñ se utartā huā nazar aayā

kabhī kabhī to mirī jalva-gāh-e-hairat meñ
ḳhud aa.ina bhī sañvartā huā nazar aayā

charāġh bujhne lage aur merī āñkhoñ ko
badan meñ koī utartā huā nazar aayā

huuñ tasavvur meñ safā-e-badan-e-yār ke ġharq
halqa-e-nāf huā halqa-e-girdāb mujhe

dariyā o koh o dasht o havā arz aur samā
dekhā to har makāñ meñ vahī hai rahā samā

hameñ na raas aayā dil lagānā ġhazab huā phir gayā zamāna
koī to kahtā hai qaid kar do koī ye kahtā hai kushtanī hai

huā ye lāġhar asiir terā ki sab ko hai naqsh-e-pā kā dhokā
gale meñ jo tauq thā pahnāyā vo ab use hisn-e-āhanī hai