Tags-Hawa

āñdhiyāñ aatī thiiñ lekin kabhī aisā na huā
ḳhauf ke maare judā shāḳh se pattā na huā

ruuh ne pairahan-e-jism badal bhī Daalā
ye alag baat kisī bazm meñ charchā na huā

raat ko din se milāne kī havas thī ham ko
kaam achchhā na thā anjām bhī achchhā na huā

vaqt kī Dor ko thāme rahe mazbūtī se
aur jab chhūTī to afsos bhī is kā na huā

ḳhuub duniyā hai ki sūraj se raqābat thī jinheñ
un ko hāsil kisī dīvār kā saaya na huā

maiñ jab peḌ se gir ke zamīñ kī ḳhaak huā
tab ik ālam-e-mauhūm samajh meñ aayā

dil se lagā ke yaad ko aajiz huā huuñ maiñ
ab terī yaad meñ vahī rāhat nahīñ rahī

āḳhirī saañs mahak jā.egī
us ke dāman kī havā dī jaa.e

ham aap kī mahfil meñ na aane ko na aate
kuchh aur hī samjhe the huā aur hī kuchh hai

dīdār se pahle hī kyā haal huā dil kā
kyā hogā jo ulTeñge vo ruḳh se naqāb āḳhir

dil meñ jab se huā qayām tirā
har koī pūchhtā hai naam tirā

tere qadmoñ ke saath chaltā hai
rāsta bhī huā ġhulām tirā

kab gul hai havā-ḳhvāh sabā apne chaman kā
vā jumbish-e-dam se hai rafū zaḳhm-e-kuhan kā

kyā uḌānoñ ko hausla degī
ai havā tū to ḳhud Darī huī hai

tazād-e-hastī kā falsafa huuñ uruuj o pastī kā aa.inā huuñ
uThā huā ik ġhurūr-e-sar huuñ miTā huā ek naqsh-e-pā huuñ

vahī damakte hue surḳh lab vahī āñkheñ
gumān jin kā huā thā mujhe sharāre par

jagah jagah se havā kāTne lagī hai badan
bikhar na jaa.eñ chhatoñ par kahīñ hamāre par

na kī sāmān-e-aish-o-jāh ne tadbīr vahshat kī
huā jām-e-zumurrad bhī mujhe dāġh-e-palañg āḳhir

hilāl-āsā tahī rah gar kushādan-hā-e-dil chāhe
huā mah kasrat-e-sarmāya-andozī se tañg āḳhir

taḌap kar mar gayā vo said-e-bāl-afshāñ ki muztar thā
huā nāsū-e-chashm-e-ta.aziyat chashm-e-ḳhadañg āḳhir