Tags-Hawa

sair-e-varūd-e-qāfila-e-nau-bahār dekh
barpā ḳhayām-e-auj havā meñ ghaTā ke haiñ

tham ga.ī vaqt kī raftār tire kūche meñ
aise sābit huā sayyār tire kūche meñ

ab koī tasvīr bhī apnī jagah qaa.em nahīñ
ab havā ke rañg hī merī nazar meñ rah ga.e

TuuTā to aziiz aur huā ahl-e-vafā ko
dil bhī kahīñ us shoḳh kā paimāñ to nahīñ hai

zarā sā ruk ke do-ghaḌī chaman pe kyā nigāh kī
badal ga.e mizāj-e-gul havā hī aur ho ga.ī

jo vaqt mehrbāñ huā to ḳhaar phuul ban ga.e
ḳhizāñ kī zard zard sī qabā hī aur ho ga.ī

na rah sakā kisī aalam meñ bhī tirā 'muztar'
ki ġham huā na gavārā ḳhushī na raas aa.ī

huā hai rañg-e-hinā 'aish' zeb-e-pā us ke
ye jā-e-rashk hai rutba ho ye hinā ke liye

mauj-e-havā to ab ke ajab kaam kar ga.ī
uḌte hue parindoñ ke par bhī katar ga.ī

jaane havā ne kaan meñ chupke se kyā kahā
kuchh to hai kyuuñ pahāḌ se naddī utar ga.ī

sūraj samajh sakā na ise umr bhar 'nizām'
tahrīr ret par to havā chhoḌ kar ga.ī

ham ḳhalāoñ se bhī añgāre lapak lete haiñ
kis jagah girtā hai TuuTā huā taarā dekho

terī ḳhushbū kā patā kartī hai
mujh pe ehsān havā kartī hai

khol kar band-e-qabā gul ke havā
aaj ḳhushbū ko rihā kartī hai

mas.ala jab bhī charāġhoñ kā uThā
faisla sirf havā kartī hai

dukh huā kartā hai kuchh aur bayāñ
baat kuchh aur huā kartī hai

vo milan kī avvalīñ sā.ateñ vo kisī kā lams ināyateñ
kabhī vo ḳhumār se tar huā kabhī mujh pe nashsha sā chhā gayā

tai huā ki marnā to lāzmī natīja hai
ghūñT ghūñT girtā hai zindagī kā sam mujh meñ

shaam guzrī hai abhī ġham kī sahar baaqī hai
ik safar ḳhatm huā ek safar baaqī hai

dasht kī ḳhaak huā jism to kab kā 'ḳhāvar'
shahr meñ ab bhī mirā naam magar baaqī hai