Tags-Hawa

aisī havā bañdhī rahe 'chandā' kī yā alī
bā-sad-bahār dekhe jahāñ kī bahār ḳhuub

huā yuuñ ki phir mujhe zindagī ne basar kiyā
koī din the jab mujhe har nazāra hasīñ milā

duur tak ham ne jo dekhā to ye mālūm huā
ki vo insāñ kī rag-e-jāñ se qarīñ hotā hai

karte haiñ shauq-e-dīd meñ bāteñ havā se ham
jaate haiñ kū-e-yār meñ pahle sabā se ham

qismat kā apnī pech huā gesūoñ kā pech
badleñ siyāh tāle-e-zill-e-humā se ham

dil meñ tire asar na huā arsh hil gayā
nādim haiñ nā-rasā.ī-e-āh-e-rasā se ham

achchhā huā na dafn huī na.ash ba.ad-e-marg
kyā musht-e-ustuḳhvāñ ko chhupāte humā se ham

zaḳhm-e-safar ke dard-e-musalsal kā sehr toḌ
niklā huā vatan se ġharīb-ul-vatan bhī lā

maiñ aks-e-ārzū thā havā le ga.ī mujhe
zindān-e-āb-o-gil se chhuḌā le ga.ī mujhe

sākit khaḌā thā vaqt magar tesha-zan havā
patthar kī tah se 'zeb' nikāle ga.ī mujhe

hai nigahbāñ ruḳh kā ḳhāl-rū-e-dost
hāfiz-e-qur.āñ huā hindū-e-dost

dil huā maftūñ nigāh-e-yār kā
sher-afgan haiñ magar āhū-e-dost

kab havā kā guzar huā dil se
phuul phir bhī khilā to jaa.ez hai

mashām-e-jāñ se guzartī rahī hai taaza havā
tirā ḳhayāl khule āsamān jaisā thā

jab un kī bazm meñ pahuñche to ye huā ma.alūm
yahāñ charāġh nahīñ dil jalā.e jaate haiñ

kyuuñ huā mujh ko ināyat kī nazar kā saudā
aaj rusvā.ī hī rusvā.ī hai kuchh aur nahīñ

namāzāñ karūñ raat din malne kyaañ maiñ
havā munj kuuñ rozī zulhamdulillah

huā be-qarār aah ā.hāñ te maiñ ab
nazar bā-muñj upar dasūñgā ki jiyūñ maah

lahad meñ kyā zikr raushnī kā sar-e-lahad bhī jo rahm khā kar
jalā kiyā jab charāġh koī havā ne ThanDā kiyā bujhā kar

nishān-e-barbād-gān-e-ālam jo pūchhe sahrā meñ ham ne jā kar
sabā se uḌ uḌ ke gard baiThī bagūle uTThe havā meñ aa kar