Tags-Hawa

charāġh dil kā muqābil havā ke rakhte haiñ
har ek haal meñ tevar balā ke rakhte haiñ

nīlgūñ charḳh ko ghere hue bhūre bādal
is tarah ghūmte phirte haiñ havā ke ruḳh par

har ḳhvāhish kā qatl huā
dil kyā maqtal hai sāhab

kaaf se nuun talak shor machā vahshat hai
ya.anī is ahd meñ jo kuchh bhī huā vahshat hai

bevafā thā to nahīñ vo, magar aisā bhī huā
vo jo apnā thā bahut aur kisī kā bhī huā

terī ḳhushbū bhī tire zaḳhm meñ malfūf milī
tujh se ghā.el bhī huā aur maiñ achchhā bhī huā

raah de dī tire bādal ko guzarne ke liye
varna ye dil to tirī pyaas se sahrā bhī huā

shukr vājib thā ise terī mohabbat kaa, so dil
terā yūsuf bhī rahā, aur zuleḳhā bhī huā

bhiiḌ vo thī tirī chaukhaT pe talab-gāroñ kī
koī be-lams rahā terā bulāyā bhī huā

maiñ ne tasvīr banā.ī to muḳhātib bhī hui
harf ko haath lagāyā to vo zinda bhī huā

sajda-e-marg se māthe ko uThāyā ik roz
maiñ huā ḳhaak to phir ḳhaak se paidā bhī huā

jitnā ujḌā hai koī shahr-e-tamannā ai dil
kabhī lagtā hī thā itnā basāyā bhī huā

āñdhī meñ charāġh jal rahe haiñ
kyā log havā meñ pal rahe haiñ

tujh se bichhaḌ ke ye mirī āñkhoñ ko kyā huā
jis par nazar paḌī tirā paikar lagā mujhe

sahar ke rañg darīchoñ ko sair karte jaa.eñ
havā ke jhoñke khule āñganoñ meñ aate raheñ

jo bharā shīsha thā huā ḳhālī
par vo bū-e-gulāb baaqī hai

baḌhtā chalā gayā huuñ unhī kī taraf kuchh aur
yuuñ bhī huā huuñ un se gurezāñ kabhī kabhī

us vaqt bhī ki ḳhātir-e-majmūa thī nasīb
kam-baḳht dil huā hai pareshāñ kabhī kabhī

mirī raakh meñ thiiñ kahīñ kahīñ mere ek ḳhvāb kī kirchiyāñ
mere jism-o-jāñ meñ chhupā huā tirī qurbatoñ kā ḳhayāl thā

kyuuñ aTā huā hai ġhubār meñ ġham-e-zindagī ke fishār meñ
vo jo dard thā tire baḳht meñ so vo ho gayā use bhuul jā