Tags-Hawa

is hairatī nazar kī simaTtī giraft ne
uThtā huā qadam bhī uThāne nahīñ diyā

ek maiñ bhī huā badnām to shikva kaise
ishq thī raah meñ pahle se hai badnām ka.ī

agar ye tum ho to sābit karo ki ye tum ho
gayā huā to koī lauT kar nahīñ aatā

hamārī ḳhaak pe andhī havā kā pahra hai
use ḳhabar hai yahāñ kūza-gar nahīñ aatā

jhukā huā hai jo mujh par vajūd merā hai
ḳhud apne ġhaar kā patthar vajūd merā hai

apne zinda jism kī guftār meñ khoyā huā
ḳhvāb kaise dekhtā dopahar kā soyā huā

jab samā.at ke kabūtar āsmāñ meñ chhup ga.e
tab vo mere paas aayā shauq se goyā huā

maiñ to us ke lams kī ḳhvāhish meñ jī kar mar gayā
us kā saarā jism thā aġhyār kā dhoyā huā

nafratoñ ke beach mere khet meñ laayā thā vo
jis ke bāġhoñ meñ lahū kā peḌ thā boyā huā

apne hoñToñ par sulagte phuul aa.e haiñ 'nisār'
hañs ke bolā thā hamāre saath kā royā huā

jahāñ ke sayyād ke shikārāñ tamām mar kar shikār hote
jo dām-e-ulfat meñ aa girā so muā nahīñ hai huā hai jiitā

karīm terā ye diid mujh ko sadā huā hai ġhizā ye ruuh kā
'alīm' ke ta.iiñ to zindagī se nahīñ hai parvā charan kā hiitā

maiñ ḳhuun bahā kar bhī huā baaġh meñ rusvā
us gul ne magar kaam pasīne se nikālā

vo be-ḳhabar hai mirī jast-o-ḳhez se shāyad
ye kaun hai jo muqābil mire khaḌā huā hai

kuchh zahr ugal rahī hai bulbul
kuchh zahr milā huā hai mai meñ

roz-e-siyāh hijr meñ mere jale charāġh
parvānoñ ko nasīb huā din visāl kā

rone ke badle haal par apne hañsā kiye
parda huā na faash hamāre malāl kā