Tags-Hawa

kis qadar ḳhaak huā hai dil-e-majnūñ yā rab
naqsh-e-har-zarra suvaidā-e-bayābāñ niklā

afsurda se chehroñ pe baḌī der se ham log
ik khoyā huā dast-e-hunar DhūñD rahe haiñ

na aayā nāma-bar ghabrā rahā huuñ
nahīñ ma.alūm kyā guzrī huā kyā

kab us kūche meñ Thahregī mirī ḳhaak
na hogā koī ehsān-e-havā kyā

ek phuul kā chaman meñ talabgār maiñ huā
vo phuul khil rahā thā sar-e-shāḳh aarzū

junūñ ne ḳhuub dikhā.ī bahār-e-jeb-o-kanār
havā meñ uḌte hue taar taar dekh chuke

huā yaqīn farishtoñ ko ḳhāksārī kā
kafan likhā jo ye ḳhatt-e-ġhubār dekh chuke

havā meñ kuchh to ghulā thā ki hoñT niile hue
gale lagāte hī taaza gulāb piile hue

tumhārā chāñd puurā ho gayā hai
tumheñ Thahrā huā paanī mubārak

kabhī maiñ asīr-e-makāñ huā kabhī māvarā-e-zamāñ huā
kabhī aaj meñ kabhī kal meñ huuñ maiñ ajiib sūrat-e-hāl huuñ

kabhī bahut hai kabhī dhyān terā kuchh kam hai
kabhī havā hai kabhī āñdhiyoñ kā mausam hai

ham DhūñDte phirte rahe tasvīr havā kī
paanī pe thiraktī rahī tahrīr havā kī

sunet haiñ samajhte nahīñ matlab na ma.ānī
hotī hai daraḳhtoñ se jo taqrīr havā kī

ehsās nahīñ hai jinheñ be-bāl-o-parī kā
karte haiñ havā meñ vahī ta.amīr havā kī

dekhā hī nahīñ us ko kisī aañkh ne ab tak
khīñchī hai musavvir ne jo tasvīr havā kī

maiñ bar-sar-e-paikār huuñ ḳhud apnī ghuTan se
koī to kare dasht meñ tadbīr havā kī

mujhe diyā na kabhī mere dushmanoñ kā patā
mujhe havā se laḌāte rahe jahāñ vaale

tumhārī apnī hī kashtī Dubo na de tum ko
havā hai tez magar bādbāñ kahāñ hai koī

ik pashemānī sī thī mujh ko mirī āvāz se
aur jab maiñ chup huā to ḳhāmushī chubhne lagī

ishq is se hī thā huā ehsās
ho gayā jab vo mujh se duur itnā