Tags-Hawa

nafas nafas tirī hamsā.egī milī mujh ko
maiñ terā parda huā tū mirā nazāra huā

ik nigāh-e-lutf kī muhtāj hai tāmīr-e-ishq
aap kyuuñ ghabrā ga.e TuuTā huā dil dekh kar

kyā kahiye ki ab us kī sadā tak nahīñ aatī
ūñchī hoñ fasīleñ to havā tak nahīñ aatī

kyā ḳhushk huā raushniyoñ kā vo samundar
ab koī kiran ābla-pā tak nahīñ aatī

behtar hai palaT jaao siyah-ḳhāna-e-ġham se
is sard guphā meñ to havā tak nahīñ aatī

chihār samt mare āb-zār aur is meñ
ġhurūb hotā huā taarā māhtāb mirā

havā hai saḳht ab ashkoñ ke parcham uḌ nahīñ sakte
lahū ke surḳh parcham le ke maidānoñ meñ aa jaao

havā kā rañg niilā ho rahā hai
chaman meñ saañp lahrāne lage haiñ

aarzū hai ki banūñ maiñ dariyā
aur tū mujh pe havā ban ke chale

jalte hue dekhā hai kahīñ sham-e-havā ko
kaafī ye mujhe us kī nishānī ke liye hai

tumhāre shahr ke saare diye to so ga.e kab ke
havā se pūchhnā dahlīz pe ye kaun jaltā hai

qayāmat kar ke ab ta.abīr jis ko kartī hai ḳhilqat
vo us kūche meñ ik āshob sā shāyad huā hogā

tamām umr yahāñ kis kā intizār huā hai
tamām umr mirā kaun intizār karegā

gahrā.ī se motī laane vāloñ kā ye haal huā
sāhil kī āġhosh meñ baiThe lahreñ ginte rahte haiñ

ek gul thā kahīñ par akelā udāsī meñ Duubā huā
ek titlī ḳhayāloñ meñ aatī huī muskurātī huī

titliyāñ mere kamre meñ uḌtī huī jharnā bahātā huā
ik parī-zād apne vatan kī kahānī sunātī hoī

hameñ to dekho ye kyā huā hai ki un ke kahne kā phir yaqīñ hai
vo jo jhuuT yūñhī kahā kareñge adū se yūñhī milā kareñge

marsiya ho gayā charāġhoñ kā
jab bhī likkhā havā kī shaan meñ kuchh

sadā paan khā khā ke nikle hai bāhar
zamāne meñ ḳhūñ-ḳhvār paidā huā hai

kuchh ḳhalal raah meñ huā ai 'mīr'
nāma-bar kab se le gayā hai ḳhat