Tags-Hawa

ye rum ye nafrat ye duur khiñchnā ye nañg āshiq ke dekhne se
jo pattā khaTke havā se lag kar to samjhe khaTkā nigah ke pā kā

charāġh ham ne mohabbat ke kar diye raushan
havā kā ḳhauf kise hai ḳhilāf ho jaa.e

ishq-e-kāmil jo huā nañg kahāñ aar kahāñ
dhyān badmast ko rahtā nahīñ rusvā.ī kā

jis ne dekhā tujhe ai yaar huā dīvāna
hai tamāshā tire har ek tamāshā.ī kā

ajab nahīñ thā ki aa jaatā hosh meñ bīmār
qarīb aa ke jo dāman se vo havā karte

aisī ghuTī fazāoñ meñ kaise jiyeñge vo
kuchh qāfile jo aa.e haiñ taaza havā liye

tāliyāñ piiT rahe hoñ patte
aur peḌoñ pe havā raqs meñ ho

biich kā baḌhtā huā har fāsla le jā.egā
ek tūfāñ aa.egā sab kuchh bahā le jā.egā

zindagī ke is safar meñ tajraba ham ko huā
saath sab haiñ par kabhī pahchāntā koī nahīñ

furqat meñ ham-baġhal jo huā 'barq' gor se
hasrat visāl-e-yār kī dil se nikal ga.ī

phir sar-e-sub.h kisī dard ke dar vā karne
dhaan ke khet se ik mauj-e-havā aa.ī hai

haiñ vo suufī jo kabhī nālā-e-nāqūs sunā
vajd karne lage ham dil kā ajab haal huā

tirī bas ḳhushbueñ rakh diiñ havā par
pata likkhā nahīñ tere nagar kā

shauq-e-behad ne kisī gaam Thaharne na diyā
varna kis gaam mirā ḳhūn-e-tamannā na huā