Tags-Hawa

ham ne duniyā hī meñ jannat kā mazā luuT liyā
mehrbāñ ham pe jo vo huur huā ḳhuub huā

be-hijābāna gale lagte haiñ daur aur chale
chashm-e-bad-dūr vo maḳhmūr huā ḳhuub huā

zānū-e-zohra-jabīnāñ pe dharā rahtā hai
sar mirā kāsā-e-tanbūr huā ḳhuub huā

va.ada shab kā thā mujhe din ko vo dekhā to kahā
nām-e-zañgī ajī kāfūr huā ḳhuub huā

kyā hī ḳhush-go hai 'nasīm' ahl-e-suḳhan kahte haiñ
bāġh-e-hind aap se mysore huā ḳhuub huā

ai mire shahr-e-nigārāñ tirā kyā haal huā
chappe chappe pe mire aañkh bharī aave hai

taqdīr ke haiñ khel javāñ ishq jab huā
tab khelne ke vāste mañjhdār hī nahīñ

nashāt-āvar hai ye udāsī kā ek uḌtā huā sā lamha
mabādā tāq-e-rajā ho vīrāñ sharāra ik chashm-e-tar meñ rakh de

badan hai yā qila-e-havā hai kahīñ se aa.uuñ kahīñ se jā.ūñ
hazāroñ raḳhne paḌe hue haiñ uThā ke dīvār dar meñ rakh de

mirā haal dekh ke pūchhne lagā kyā huā
maiñ ne hañs ke sirf yahī kahā tujhe ilm hai

kabhī in vādiyoñ meñ duur tak raste firozāñ the
'shahāb' ik sar-phirī mauj-e-havā kohrā uThā laa.ī

TaToltā huā kuchh jism o jaan tak pahuñchā
vo aadmī jo mirī dāstān tak pahuñchā

maiñ sirf ek ḳhalā thii, jahāñ fazā na havā
jab aarzū kā parinda uḌaan tak pahuñchā

ye kam-nasīb bhaTaktā huā añdheroñ meñ
kabhī yaqīn kabhī phir gumān tak pahuñchā

ek ujlā sā kāñptā dhabbā
zehn kī sat.h par luḌhaktā huā

'ābrū' kaun jā ke samjhāve
kyuuñ huā dost-dār kā dushman

na huā yaar kā ġhussa ThanDā
bār-hā dho ke pilāyā ta.avīz

mar ke bhī dil kī taḌap itnī hai
shaq huā merī lahad kā ta.avīz

jis se aayā huā dil ruk jaa.e
koī aisā bhī hai laTkā ta.avīz

havā meñ zahar ghulā pāniyoñ meñ aag lagī
tumhāre ba.ad zamāna baḌā ajiib aayā