Tags-Hawa

ab kahāñ vo sahrā-zād o pāsdarān-e-junūñ
sahrā sahrā vahshatoñ kā har nishāñ maddham huā

harf-e-dil-dārī nahīñ rasm-e-dil-āzārī nahīñ
lahja-e-har-mehrbāñ nā-mehrbāñ maddham huā

ik charāġh ik aa.ina merī matā-e-be-bahā
rah gayā harf-e-yaqīñ naqsh-e-gumāñ maddham huā

har nishān-e-bām-dar jab miT gayā 'aslam' to kyā
zor-e-tūfāñ tham gayā āb-e-ravāñ maddham huā

khulā na ek bhī dar sar-kashīdgī pe mirī
huā huuñ ḳhaak to dāman-kushā zamīñ hai bahut

rakhā huā thā sar-e-tāq-e-dil ik ā.īna
bahut dinoñ se koī ā.ina-nashīñ hai bahut

ġhair vafā meñ puḳhta haiñ yuuñ hī sahī pa mujh sā bhī
ek tirī janāb meñ ḳhaam rahā to kyā huā

tez thī itnī zamāne kī havā
pairahan-dar-pairahan uryāñ the ham

aisā lagtā hai ki uḌ kar bhī kahāñ pahuñcheñge
haath meñ jab koī TuuTā huā par hotā hai

āvārgī meñ lutf o aziyyat ke bāvajūd
aisā nahīñ huā hai ki fikr-e-sahar nahīñ

duur rahte haiñ takabbur kī havā se lekin
ijz ko ġhāfil-e-ġhairat nahīñ ham kar sakte

na ḳhirad rahī na junūñ bachā dil-e-pur-ġhurūr ye kyā huā
tujhe apne aap pe ḳhud bhī ab zarā e'tibār nahīñ hai

rahā asiir ka.ī saal naqsh-e-pā kī tarah
ḳhudā kā shukr ab āzād huuñ havā kī tarah

kahā jo un se charāġh-e-lahad jalāte jaao
havā se tez ga.e vo havā batā ke mujhe

qayāmat aur qayāmat meñ aa.ī qahr huā
butoñ ne chheḌ diyā sāmne ḳhudā ke mujhe

merā jaltā huā ghar dekh ke ham-sā.e mire
ghar se nikle to magar ashk bahāne nikle

zamzame ḳhāna-e-sayyād ke kyuuñ gūñjte haiñ
kyā koī taaza giraftār huā mere baad

havā ke lab pe na.e intisāb se kuchh haiñ
ki shāḳh-e-vasl pe taaza gulāb se kuchh haiñ

havā se vādi-e-vahshat meñ bāteñ karte ho
bhalā yahāñ koī suntā bhī hai gila dil kā

qayāmat aa.ī khulā rāz-e-ishq kā daftar
baḌā ġhazab huā phūTā hai aabla dil kā