Tags-Hawa

guzartā hī nahīñ mausam judā.ī ke dayāroñ kā
milan-rut ke kināroñ se havā vāpas palaT aa.e

jo tasavvur se māvarā na huā
vo to banda huā ḳhudā na huā

dil agar dard-āshnā na huā
nañg-e-hastī huā huā na huā

rutba-dāñ thā jabīn-e-ishq kā maiñ
husn ke dar pe jab.ha sā na huā

dil ḳhatā-vār-e-ishtiyāq sahī
lab gunahgār-e-iltijā na huā

nañg hai be-amal qubūl-e-bahisht
ye to sadqa huā silā na huā

havā bahār ke mausam meñ yuuñ chalī ki 'na.īm'
na surḳh-rū thā gulistāñ na surḳh-rū the gulāb

koī dastak koī aahaT na sadā hai koī
duur tak ruuh meñ phailā huā sannāTā hai

peḌ kā saayā nahīñ TuuTā huā patta huuñ
mujh ko jazbāt ke dariyā meñ na Thahrāyā kar

shab bhar ḳhayāl-e-gesu-e-ambar-fishāñ rahā
mahkā huā shamīm se saarā makāñ rahā

chhup sakā dam bhar na rāz-e-dil firāq-e-yār meñ
vo nihāñ jis dam huā sab āshkārā ho gayā

kahīñ buniyād meñ shāmil huā hogā lahū merā
maiñ miTTī ho ke jis dīvār ke andar se niklī huuñ

ruk jā.ūñ Tahniyoñ ko balā kar zarā sī der
phir se havā chale to maiñ chalne meñ aa rahūñ

jab sar meñ nahīñ ishq to chehre pe chamak hai
ye naḳhl ḳhizāñ aa.ī to shādāb huā hai

ajī dekho to kaisī uThī hai ghaTā yahī aish kā din hai uḌā le mazā
karo bāda-kashī mire māh-laqā tumheñ detā huuñ abr-o-havā kī qasam

dekhnā chāhūñ to ḳhushbū, chhūnā chāhūñ to havā
mere dāman tak jo aa.e tū vo shīrāza nahīñ

jamshed jis ne vaz.a kiyā jaam kyā huā
ve nasīhateñ kahāñ ga.iiñ kīdhar ve nāv-nosh

ajiib lutf huā un kī yaad se mahsūs
ki jaise dil ke darīche khule havā aa.ī

sunā hai vo bahut nādim huā apne ravayye par
mujhe Thukrā ke pachhtāyā chalo maiñ maan letā huuñ

ye āsmān ye taare ye rāste ye havā
har ek chiiz hai apnī jagah Thikāne se