Tags-Hawa

jāñ-ba-lab haiñ jo ḳhizāñ meñ ashjār
zard pattoñ kī havā kījiyegā

parchhā.iyoñ kī jañg thī ḳhuuñ kā dariyā
ham-zād rajaz-ḳhvāñ huā aisā na kabhī

zamāne ke darbār meñ dast-basta huā hai
ye dil us pe maa.il magar rafta rafta huā hai

achānak hī hathiyār vaale nahīñ saḳht-jāñ ne
jigar vaqt ke saath ḳhasta shikasta huā hai

kahīñ andar andar sulagtī thī chiñgārī koī
magar hādsa āḳhir-e-kār shām-e-guzishta huā hai

ka.ī baar jallād ne khīñch dekhā hai us ko
magar munjamid daar kā sard taḳhta huā hai

ḳhabar-dār rahne lagā shahryār us se 'yāsir'
qalam mere hāthoñ meñ ḳhanjar kā dasta huā hai

kyā huā abr bhī hai mai bhī hai sāġhar bhī hai
hai ye sab hech agar sāqī-e-gulfām nahīñ

ishq-e-ḳhādim se huā hai dil-e-'āsim' ma.amūr
is liye dīn-o-duniyā se use kaam nahīñ

ḳhaak ho jaane pe ai ḳhāk-basar kyuuñ ho ba-zid
kyā tumheñ dosh-e-havā par bhī safar karnā hai

tum saath ho to kaisā chipkā paḌā hai dariyā
aur ye havā bhī kaisī hamvār chal rahī hai

gumrāhiyoñ pe faḳhr kī manzil ke paas hī
ik sañg-e-mīl hañstā huā mil gayā mujhe

vahāñ bas ik dil ḳhālī thā aur miyāñ-'ehsās'
na ishq un ko huā thā na hone vaalā thā

ḳhuun ho jaatā hai jab sozish-e-pinhāñ se bhaḌaktā huā dil
tairne lagtā hai rag rag meñ lahū ho ke dhaḌaktā huā dil

is kunj-e-tabī.at kī mumkin hai havā badle
jhoñkā koī aa jaa.e patte hī uḌāne ko

raazī na huā maiñ bhī mānūs manāzir par
tayyār na thā vo bhī kuchh aur dikhāne ko

tiira aalam huā ye roz-e-siyāh
apne dil ke ġhubār meñ dekhā

āsmāñ par abr-pāre kā safar mere liye
ḳhaak par mahkā huā chhoTā sā ghar mere liye

le ga.ī hai saarī ḳhushbū chhīn kar ThanDī havā
pattiyāñ bikhrī paḌī haiñ ḳhaak par mere liye

ḳhaak par bikhre hue qadmoñ-tale rauñde hue
tohfatan laa.ī havā mere hī par mere liye