Tags-Hawa

charāġh in pe jale the bahut havā ke ḳhilāf
bujhe bujhe haiñ jabhī aaj bām-o-dar mere

huā hai in dinoñ vo āshnāoñ se bhī begāna
ḳharābī ko 'hasan' kī āj-kal yāroñ se mat pūchho

bāb-e-shahr-e-suḳhan huā thā 'alī'
nutq-e-masdūd ho gayā huuñ maiñ

jab zulm kā badla zulm huā mazlūm kā haq kuchh bhī na rahā
de dard hī meñ lazzat yārab naale ko atā tāsīr na kar

paimān-e-mohabbat ḳhatm huā ab zikr se us ke fā.eda kyā
muñh bikhrī kaḌiyoñ ke na milā tayyār na.ī zanjīr na kar

kyuuñ na garebāñ phāḌūñ apnā haath aur merā us kā dāman
tāle.a haiñ aa kar ke huā hai dāman-e-yūsuf dast-e-zuleḳhā

ek hī aan meñ dīdār huā baat huī
ḳhvāhish-e-vasl sar-e-tūr sabhī ḳharch huī

maiñ ne rokā bahut par ga.e sab ke sab
jaane phir kyā huā Dar ga.e sab ke sab

koī naam hai na koī nishāñ mujhe kyā huā
maiñ bikhar gayā huuñ kahāñ kahāñ mujhe kyā huā

kise DhūñDtā huuñ maiñ apne qurb-o-javār meñ
ai firāq-e-sohbat-e-dostāñ mujhe kyā huā

ye kahāñ paḌā huuñ zamīñ ke gard-o-ġhubār meñ
vo kahāñ gayā mirā āsmāñ mujhe kyā huā

koī raat thī koī chāñd thā ka.ī log the
vo ajab samāñ thā magar vahāñ mujhe kyā huā

mire rū-ba-rū mujhe maiñ dikhā.ī nahīñ diyā
mire ā.īne mire rāz-dāñ mujhe kyā huā

havā meñ dard kī shiddat se zamzama-pairā
sunegā kaun ye merī sadā-e-āḳhir-e-shab

laboñ par chup sī rahtī hai hamesha
koī va.ada huā thā yaad hogā

ab is jagah se ka.ī rāste nikalte haiñ
maiñ gum huā thā jahāñ rāsta batāte hue

havā
sub.h-dam us kī āhista āhista khultī huī aañkh se

haa.e vo māthā jo huā dāġh-dār
haif vo sajda jo adā ho gayā

us kī nazar meñ huā halkā 'nasīm'
mujh se mire shauq ne kyā kyā kiyā

ik din tirī galī meñ mujhe le ga.ī havā
aur phir tamām umr mujhe DhūñDhtī rahī