Tags-Hawa

charāġh ghar kā ho mahfil kā ho ki mandir kā
havā ke paas koī maslahat nahīñ hotī

shīrīñ nirmal jharne jaisī
ThanDī taaza havā ke aisī

vo jo diyā raushan hī nahīñ hai us ke liye rahmat kaisī
kyuuñ ye tez havā kā jhoñkā ghar meñ mire dar aayā hai

shahr-e-dil ujḌā to barbād huā kyā kyā kuchh
naqsh-bar-āb kī mānind miTā kyā kyā kuchh

ruuTh kar baiTh ga.ī himmat-e-dushvār-pasand
raah meñ ab koī jaltā huā sahrā bhī nahīñ

girī huī dīvāroñ meñ jakḌe se hue darvāzoñ kī
ḳhākistar sī dahlīzoñ par sard havā ne Darnā hai

kisī ke ḳhvāb ko ehsās se bāñdhā huā hai
bahut puḳhta bahut hī paas se bāñdhā huā hai

hamāre taḳht ko mashrūt kar rakkhā hai us ne
hamāre taaj ko ban-bās se bāñdhā huā hai

siyāhī umr bhar mere ta.āqub meñ rahegī
ki maiñ ne jism ko qirtās se bāñdhā huā hai

mire isbāt kī chābī ko apne paas rakh kar
mire inkār ko ehsās se bāñdhā huā hai

hamāre ba.ad in ābādiyoñ kī ḳhair kiijo
samundar ham ne apnī pyaas se bāñdhā huā hai

sajā rakkhī hai us ne apnī ḳhātir ek masnad
mire āfāq ko anfās se bāñdhā huā hai

ajab pahre mire afkār par rakkhe haiñ 'ḳhālid'
ajab khaTkā mire ehsās se bāñdhā huā hai

mohabbat ek tarah kī nirī samājat hai
maiñ chhoḌūñ huuñ tirī ab justujū huā so huā

nāla-e-mauzūñ se misra.a aah kā chaspāñ huā
zor ye pur-dard apnā matl.a-e-dīvāñ huā

jis ne dekhā aa ke ye ā.īna-ḳhāna dahr kā
fil-haqīqat bas vo apnā aap hī hairāñ huā

sab pe zāhir ho ga.ī betābi-e-dil shakl-e-barq
vo bhabhūkā apnī nazroñ se jo Tuk pinhāñ huā

us ke jaane se ye dil meñ aa.e hai rah rah ke haa.e
sab jahāñ bastā hai ik apnā hī ghar vīrāñ huā

kaash dil se chashm tak aane na paatā tifl-e-ashk
rafta rafta ab to ye laḌkā koī tūfāñ huā

gar hue vā us ke lab to dekhiye kyā gul khile
ho ḳhafā jab be-tarah vo raunaq-e-bustāñ huā