Tags-Hawa

tumheñ jo sochā to mere dil se udāsiyoñ kā hujūm guzrā
kabhī kabhī to huā hai yuuñ bhī ki be-sabab chhā ga.ī udāsī

ba.ad yak umr jo huā ma.alūm
dil us ā.īna-rū kā patthar thā

kyuuñ na abr-e-siyah safed havā
jab talak ahd-e-dīda-e-tar thā

ab ḳharāba huā jahānābād
varna har ik qadam pe yaañ ghar thā

havā ke rahm-o-karam par hai barg-e-āvāra
zamīn se koī rishta na āsmānoñ se

islām kī ta.alīm se begāna huā tū
nā-mahram-e-har-jur.at-e-rindāna huā tū

māhaul kī ho taaza havā tujh ko gavārā
darkār hai tahzīb ko phir terā sahārā

rañj se ḳhūgar huā insāñ to miT jaatā hai rañj
mushkileñ mujh par paḌīñ itnī ki āsāñ ho ga.iiñ

mirā zauq-e-nazar ab us maqām-e-āshiqī par hai
jahāñ uljhā huā hai husn bhī ḳhvāb-e-pareshāñ meñ

aise bhī marāhil kuchh aa.e rah-e-hastī meñ
mahsūs huā manzil ḳhud paas chalī aa.ī

maiñ to ḳhud bikne ko bāzār meñ aayā huā huuñ
aur dukāñ-dār ḳharīdār samajhte haiñ mujhe

na jaane vo havā kā tez jhoñkā thā
yā būḌhe paañv ke halke tavāzun kī Dhilā.ī thī

ek jhoñkā havā kā aayā 'zeb'
aur phir maiñ ġhubār bhī na rahā

sābit huā ki detā hai tū ye bhī aag sī
sābit huā ye soz-e-musalsal lahū se hai

huā hai ahl-e-masājid pe kaam az-bas tañg
na shab ko jāgte rahne kā iztirāb karo

badan par na.ī fasl aane lagī
havā dil meñ ḳhvāhish jagāne lagī

sahrā kī tapish pyaas kī shiddat thī ki us ne
bhūlā huā ik qissa-e-namnāk nikālā

uljhā huā huuñ kab se savāloñ ke dasht meñ
kaise kahūñ maiñ zaat koī mas.ala nahīñ

ġhurūb hotā huā raushnī kā sayyāra
añdhere mausamoñ meñ kyā patā kab aa.egā

ummīd-e-vasl se bhī to sadma na kam huā
kyā dard jā.egā jo davā kā asar nahīñ