Tags-Hawa

us but ke nahāne se huā saaf ye paanī
motī bhī sadaf meñ tah-e-dariyā nazar aayā

pā-e-idrāk meñ chubhtā huā kāñTā niklā
ishq ke daam meñ ḳhud apnā sarāpā niklā

ye kyā huā ki salāmat nahīñ koī dāman
chaman meñ phuul khile haiñ ki ḳhaar dekho to

basā huā hai nigāhoñ meñ ek hī manzar
baḌā hī shauq thā akkās rañg hone kā

dīdār se pahle hī kyā haal huā dil kā
kyā hogā jo ulTeñge vo ruḳh se naqāb āḳhir

muqaddar par huā huuñ jab se maiñ raazī usī din se
ḳhushī ho yā ki ġham chehre kī tābānī nahīñ jaatī

lahr lahr paanī meñ Dūbtā huā sūraj
kaun mujh meñ dar aayā uTh ke aa.inā dekhūñ

bas ik ta.alluq be-nām TūTne ke ba.ad
suḳhan tamām huā rishta-e-suḳhan bhī gayā

mustaqil ab bujhā bujhā sā hai
āḳhir is dil ko ye huā kyā hai

badalnā chāhte ho ruḳh havā kā
havā ke saath bhī chalnā paḌegā

saath us ke rah sake na baġhair us ke rah sake
ye rabt hai charāġh kā kaisā havā ke saath

maiñ zahr rahī har shaam rahī
bārish kī havā badnām rahī

koñpal ko dhuup havā se kyā
miTTī kī namī nākām rahī

tire aate to koī phuul na hogā sarsabz
kyā huā baaġh meñ go phūle the gulzār bahut

mujhe to apne liye rāsta tarāshnā hai
maiñ kyā karūñgā kisī kā likhā huā likh kar

paañv merā phir paḌā hai dasht meñ
vo hī āvāra havā hai dasht meñ

jitne naġhme the vaj.h-e-ḳhalish ban ga.e jitne naale the sarf-e-havā ho ga.e
ham vahī haiñ jo kal the magar kyā huā ham vahīñ haiñ magar kyā se kyā ho ga.e

ye raushnī ke ta.āqub meñ bhāgtā huā din
jo thak gayā hai to ab is ko muḳhtasar kar de

maiñ ne khīñchā thā havā par koī lafz
likhtā hai jis ke ma.ānī paanī

pairāhan-e-jāñ chaak rahe tez havā meñ
tūfān meñ jiine kī adā chāhiye yaaro