Tags-Hawa

rañgoñ ke is ghor-ghane jañgal meñ
khoyā huā ik chehra DhūñD rahā huuñ

ab kisī andhe safar ke liye tayyār huā chāhtā hai
ik zarā der meñ ruḳhsat tirā bīmār huā chāhtā hai

āḳhirī qist bhī sāñsoñ kī chukā degā chukāne vaalā
zindagī qarz se tere vo subuk-bār huā chāhtā hai

rāz-e-sar-basta samajhte rahe ab tak jise ahl-e-dānish
munkashif aaj vahī raaz sar-e-dār huā chāhtā hai

dil-e-vahshī ke bahalne kā nahīñ ek bhī sāmān yahāñ
mahfil-e-zohd-e-mizājāñ se ye bezār huā chāhtā hai

dekh lenī thī tujhe sīna-e-āfat-zadagāñ kī saḳhtī
terā har tīr-e-hadaf-kār hī bekār huā chāhtā hai

phailte shahroñ ke jañgal meñ ye ġhāroñ kī tarah tañg makāñ
ḳhuun meñ vahshi-e-ḳhvābīda bhī bedār huā chāhtā hai

dard-e-dil bāñTtā aayā hai zamāne ko jo ab tak 'anjum'
kuchh huā yuuñ ki vahī dard se do-chār huā chāhtā hai

ḳhabt mujh ko shā.erī kā jab huā
das minute meñ saaTh ġhazleñ kah gayā

is kashmakash meñ ḳhatm huā raat kā safar
zid thī mirī to us kī hayā kā savāl thā

taqsīm karne niklā thā vo raushnī magar
jalte hue diye ko havā kā savāl thā

to aur kyā chāhiye tumheñ ik zamīn de dī kitāb jaisī
aur āsmāñ par kalām kartā huā sitārā banā diyā hai

vo pīr-e-mai-ḳhāna-e-falak in dinoñ bahut mehrbāñ hai mujh par
to ḳhud surāhī banā huā hai mujhe piyāla banā diyā hai

havā kī dostī achchhī na dushmanī achchhī
charāġh pahle na thā ab hai ham-ḳhayāl mirā

lahū kī nazr huā ek ek ḳhvāb-e-numū
havā ke saath gayā ḳhema-e-ḳhayāl mirā

ham sāhil kī sard havā meñ ḳhvāboñ se uljhe haiñ 'faroġh'
aur hamāre naam kā dariyā sahrā sahrā bahtā hai

miltā hai use paanī ashkoñ kī ravānī hai
ma.alūm huā khetī zaḳhmoñ kī harī kyuuñ hai

hazār rañg meñ jalva-numā thā husn-o-jamāl
dil aur shoḳh huā us ko jitnā saada kiyā

ab huā sab siiñ fāriġh-ut-tahsīl
be-ḳhudī kī kitāb dekhā huuñ

bāzār-e-kā.ināt meñ ye faisla huā
yārān-e-ḳhush-adā ho tamasḳhur ravā huā