Tags-Duniya

pyaar iqrār se joḌ sabhī
meñ duniyā dastūr hai tū

vafā ko DhūñDtī phirtī ye duniyā
agar ham jaise dīvāne na hote

jazbāt bhī hindū hote haiñ chāhat bhī musalmāñ hotī hai
duniyā kā ishāra thā lekin samjhā na ishāra dil hī to hai

jism-o-jāñ par sannāToñ kā pahra ho
baaz aayā maiñ ab duniyā kī halchal se

is daur ne baḳhshe haiñ duniyā ko ajab tohfe
ghabrā.e hue paikar uktā.e hue chehre

biphrī huī duniyā ne patthar to bahut pheñke
ye shīsh-mahal lekin ai dost kahāñ TuuTe

hamārā haal zamāne se kuchh judā to nahīñ
ye dāstāñ nahīñ duniyā kī dāstāñ se alag

ek duniyā kā safar hai us ke mere darmiyāñ
fāsle hī fāsle haiñ nāptī rahtī huuñ maiñ

ye duniyā apne Dhab kī thī na duniyā vaale achchhe the
magar kyā kījiye phir bhī guzāra kar liyā maiñ ne

kishvar-e-ishq meñ duniyā se nirālā hai rivāj
kaam jo ban na paḌeñ yaañ vo ravā hote haiñ

mohabbat kī ye nairañgī bhī duniyā se nirālī hai
alam koī nahīñ lekin alam mahsūs kartā huuñ

sarāpā raaz huuñ maiñ kyā batāoñ kaun huuñ kyā huuñ
samajhtā huuñ magar duniyā ko samjhānā nahīñ aatā

duniyā hai ḳhvāb hāsil-e-duniyā ḳhayāl hai
insān ḳhvāb dekh rahā hai ḳhayāl meñ

itnā ehsān jatāte haiñ ki mar jaatā hai
kaam aa jaa.eñ jo duniyā meñ kisī ke ham log

saarī duniyā se be-niyāzī hai
vaah ai mast-e-nāz kyā kahnā

ik baat par hamārī uljhan meñ paḌ ga.e tum
duniyā na jaane kyā kyā kartī hai dostī meñ

agar kahnā huā mushkil zabāñ se
ishāroñ meñ na.ī duniyā dikhānā

shauq-e-nazzārā kā parda uThThā
nazar aane lagī duniyā ham ko

yuuñ kaun sī chiiz hai jo duniyā meñ nahīñ
aañsū sāgar jahān-e-paidā meñ nahīñ

ham logoñ se ye duniyā badlī na ga.ī lekin
ham ne na.ī duniyā kī buniyād to Daalī hai