Tags-Dil

na nazar milī na zabāñ khulī chhupī phir bhī dil kī na bekalī
kabhī duur jā ke palaT paḌe kabhī paas jā ke ThiThuk ga.e

mire zehn-o-dil kī basīrateñ ġham-e-zindagī kī haqīqateñ
mire lab pe giit nahīñ haiñ vo ki jo pāyaloñ meñ chhanak ga.e

ḳhūb-rūyoñ se yāriyāñ na ga.iiñ
dil kī be-iḳhtiyāriyāñ na ga.iiñ

the jo ham-rañg-e-nāz un ke sitam
dil kī ummidvāriyāñ na ga.iiñ

mujhe aap kyuuñ na samajh sake ye ḳhud apne dil hī se pūchhiye
mirī dāstān-e-hayāt kā to varaq varaq hai khulā huā

mujhe ik galī meñ paḌā huā kisī bad-nasīb kā ḳhat milā
kahīñ ḳhūn-e-dil se likhā huā kahīñ āñsuoñ se miTā huā

ab rāh-e-vafā ke patthar ko ham phuul nahīñ samjheñge kabhī
pahle hī qadam par Thes lagī dil TuuT gayā achchhā hī huā

vo apnī shoḳhiyoñ se koī ab tak ba.az aate haiñ
hamesha kuchh na kuchh dil meñ sharārat aa hī jaatī hai

mohabbat dil meñ dushman kī bhī apnā rañg laatī hai
vo kitne be-muravvat hoñ muravvat aa hī jaatī hai

vo to nahīñ milā hai sāñsoñ jiye to kyā hai
dil ab bhī pyaas par hai ġham pī liye to kyā hai

ham kūcha-e-dildār ke hote haiñ tasadduq
ai sheḳh-e-haram hai yahī ehrām hamārā

betābi-e-dil ke sabab us shoḳh tak 'inshā'
pahuñche hai bilā vāsta paiġhām hamārā

niiñd ke badle tasallī hī sahī aatī to hai
dil se bāteñ karte karte raat kaT jaatī to hai

is se baḌh kar aur kyā tāsīr ġham kī chāhiye
dil kī aahoñ se jigar kī choT chhil jaatī to hai

kyā yahī hai ai mohabbat hastī-e-dil kā ma.aal
ik lahū kī buuñd mizhgāñ par nazar aatī to hai

soz-e-ġham se jab bahut jaltā hai dil apnā 'jigar'
ruuh kī manzil meñ kuchh kuchh raushnī aatī to hai

dil-e-dard-mañd ko aaj bhī hai 'mujīb' hasrat-e-rāz-dāñ
maiñ vo ek naġhma-e-ārzū ki ḳhud apne lab pe harām huuñ

ye hāv-hū badan ke ghaav par hai
magar maiñ dil ke nashtar sochtī huuñ

usī ne ishq ban kar do-jahāñ ko phūñk Daalā hai
vo sho.ala jo tirī nazroñ se dil ke darmiyāñ pahuñchā

'fanā' vo jalva-gar hone lage har bazm-e-īmāñ meñ
mirā dil le ke jab mujh ko sar-e-kū-e-butāñ pahuñchā