Tags-Dil

har jaane vaale ko dekh ke rakh liyā dil par patthar
kis kis ko rote āḳhir kis kis kā mātam karte

dil to hamārā jise patthar se bhī saḳht huā thā
patthar paanī ho gayā sūkhī āñkhoñ ko nam karte

bayān qissa-e-bechārgī kiyā jaa.e
jo dil kī rah ga.ī dil meñ use kahā jaa.e

kyā kahūñ kyā hai mere dil kī ḳhushī
tum chale jāoge ḳhafā ho kar

phañs gayā dil to chhoḌ do ham ko
ab kahāñ jā.eñge rihā ho kar

dil se kuchh kah rahī haiñ vo āñkheñ
dekheñ kyā Thahre mashvarā ho kar

haath uThā kar talāsh-e-dil se 'hasan'
baiTh rahiye shikasta-pā ho kar

ġham duur kar ke aur bhī maflūj kar diyā
tanhā.iyoñ kī raat meñ dil-bastagī to thī

dil kā saudā ik nigah par hai tirī Thahrā huā
narḳh tū kyā pūchhtā hai ab to qīmat khul ga.ī

tere aariz par huā āḳhir ġhubār-e-ḳhat numūd
khul ga.ī ā.īna-rū dil kī kudūrat khul ga.ī

be-takalluf aa.e tum khole hue band-e-qabā
ab girah dil kī hamāre fil-haqīqat khul ga.ī

us kā dil apne haq meñ pāra-e-sañg
ḳhatm hai jis pe nāzuk-andāmī

maiñ duā māñgūñ to dil mujh se ḳhafā ho jā.egā
sar jhukā to sar ko sajdoñ kā nasha ho jā.egā

dil yuuñ Dare hai zulf kā maarā vo phūñk siiñ
rassī siiñ azhdahe kā Dare juuñ Dasā huā

ai 'ābrū' aval señ samajh pech ishq kā
phir zulf siiñ nikal na sake dil phañsā huā

chāñd vīrān hai sadiyoñ se mire dil kī tarah
zindagī ġham hai ḳhalā meñ mirī manzil kī tarah

kitnā dilkash hai tirī yaad kā paalā huā ashk
sīna-e-ḳhāk pe mahtāb girā ho jaise

ye maanā shīsha-e-dil raunaq-e-bāzār-e-ulfat hai
magar jab TuuT jaatā hai to qīmat aur hotī hai

tire ġham se dil phir amiir ho koī chāñd nikle safīr ho
shab-e-dasht ho hai ye zindagī na nasheb hai na farāz hai

phir koī nayā zaḳhm nayā dard atā ho
us dil kī ḳhabar le jo tujhe bhuul chalā ho